30 January 2007

رسالة الي من لا يشعر بنا

كثيرا و كثيرا اجد موضوعات تخص المثيليين على النت
سواء كانت موضوعات لمدونين او موضوعات في اى موقع اخر


و الغريب انك تجد الاقبال و التعليقات باعداد كبيرة ملفتة للنظر و طبعا الكل يندد بالمثليين و يلعنهم و كانهم أخر و أول الاثمين في هذا العالم و كانهم اعداء البشرية و العدو لمن لا عدو له

و الكل لابد ان يقوم بالواجب و يترك تعليق لا يخلوا من كلمات السباب
لا ادري ان كان هذا نتيجة للاحساس الزائد بالتدين و ان الناس كلها اصبحت ملائكة ماعدا المثليين
ام ان بهذا التصرف ينفي الذنب عن نفسة و يبعد الشك في انة ينتمي لهذة الفئة من ؟؟؟؟


من ماذا ؟؟؟

صراحة بعد الكم الهائل من تعليقات الاخرين على موضوع المثلية
اشعر باننا لا نتكلم عن بشر
اوقات اشعر انهم يتحدثون عن كائنات فضائية
او حيوانات ارضية هههههههههه اسف اصل واحد بيقول ان المثلين دول الطبقة السفلي و يدعوهم للعودة لجحورهم
اعتقد انه يتحدث عن فئران


ايها السادة اليكم هذا التوضيح
نحن بشر مثلكم لنا اباء و امهات و اخوات .... لنا جيران و زملاء نعيش ف عالمكم و ناكل و نشرب مثلكم
نخاف و نشعر و نحس و نبكي و نندم و نصلى و ندعوا الله ..... و لكننا نعانى عيبا او مشكلة
كبرت او صغرت ليس هذا هو الشىء المهم
المهم اننا مازلنا بشر ننتمي اليكم

انظر حولك جيدا ربما انا اكون ابنك او اخوك او قريب لك او جارك او زميلك في العمل
كل هذه الاحتمالات ليس بعيدة ... كلنا نحيا معكم ... لكننا نخافكم .. و نداري عيوبنا كما انتم تفعلون في عيوبكم الاخري
لستم ملائكة .... و لسنا شياطين
كلنا بشر ذو اخطأ و متساويين


ارجوا منكم ان تتركونا بما نعاية من الالم و احزان
لسنا في حاجه لمواجهات معكم
كفانا ما نعانية من انفسنا و مشاعرنا فلسنا نحيا حياة اللهو و الطرف و الجنس كما تتخيلون


اعرف انه حتى بعد كلماتى تلك لن تفهمونا و لا تقدروا مشكلتنا
و لكن لدي سؤال
ماذا سيكون موقفكم اذا رزقتم بولد مثيلي ؟؟؟
كيف ستتعاملون معه ؟؟؟
ملحوظة : ليست المثيلية مرض ينقل او يورث او نتيجة لتجربة جنسية او تحرش جنسي ف الصغرلا احد يعلم حتى الان اسبابها الحقيقية

كيف سيكون رد فعلكم ؟؟؟


22 comments:

Dalia said...

ازيك يا كريم عامل ايه ؟؟
فيه ناس كتير كده متخيلييين المثليين دول عايشين حياه فجر او هما مبسوطين بكده ... بصراحه انا كنت واحده من الناس دى لغايه ما دخلت البلوج بتاعتك و دخلت بلوج رجال مثليين تانيين بس انت اكتر واحد حسيت انك تعبان نفسيا اوى من الموضوع ده
و انت الوحيد اللى حطيت النقط على الحروف فى توضيح المعنى للكلمه دى
بس انا معاك فى كل كلمه انت قولتها و مستعده اقف معاكو اقول للناس المثليين دول بشر زينا و مسلمين زينا
و انا لا اخجل انى اتكلم معاك او نبقي اصدقاء
ياريت الناس تفهم !!:(

قصاقيص said...

عزيزي كريم
املا وحشتنا وبقالي فترة مش عارفه الاقيك
ثانيا؛ البوست قوى اوي لانك فيه حطيت اصحاب المثاليه الزائفه في خانة اليك
انا مؤمنة ان المثيليين ماينفعش نعاقبهم لان ده شئ مش برغبتهم ولا حصل بإرادتهم ولابرضه يقدروا يتخلصوا منه برغبتهم
ولو قلنا نخليهم ينتحروا يبقوا ماتوا غير مسلمين ولو موتناهم اكيد مش هنقبل ده لو فيهم ابننا او اخونا
ياكريم ناس كتير فاهمة القضيه بس عايمين مع التيار علشان يبقوا في الصورة
بس عموما انا بضم صوتي لصوت" داليا"0

kareem azmy said...

اشكرك يا داليا
على كلامك الرقيق و الذي اسعدنى انك الان اصبحتى تشعرين بمعاناتنا و ان الصورة الخطئة تغيرت و انك تنظريين الينا الان اننا بشر

و اشكرك على مساندتك لنا
ربنا يخليكى و يديم صداقتنا


الصديقة مي
صاحبة القصاقيص
اشكرك على تعليقك و اتفق معك ان كل الحلول التى اقترحتيها لا تصلح للتعامل مع المشكلة
و لكن على الاقل يكفينى انك تشعرين بحجم المشكلة و نظرتك لها اصبحت اكثر انسانية

كريم

Anonymous said...

الكلام كتير قوى يا كيمو
والجدال عمرة ما هاينتهى عشان احنا فى مجتمعات متخلفه
التخلف الوحيد هو ان كل واحد شايف نفسه صح ومالوش دعوه بأى حد م اللى حواليه
معركتك كبيره قوى.. وأعداءك اكتر
باقولك ايه.. سيبك من كل وجع الدماغ ده.ز قولى بس انت مين اللى مزعلك
شاورلى عليه وانا ابقلظهولك

kareem azmy said...

اهلا وينكى
حمدلله ع السلامة يا قمر
و الف سلامة ليكى

اما بخصوص اللى مزعلنى
فانا عارف انك ادها و قدود
و عارف ان ورايا رجالة
قصدي بنات زي الفل

بس انا مستغرب حاجة
مش ملاحظة ان كل اللى علق ع الموضوع بنات

فعلا البنات دول رجالة بصحيح
تعيش البنات تعيش تعيش تعيش
ههههههههههههههه
اقتباسا من وينكي
هههههههههههه

Music Gates said...

عم كريم باشا اخيرا نزلت بوست جديد
ويارتك ما نزلته (ههههه) الصراحه انا في حاجه مش فاهمها يعني ايه مثيليين
ممكن اكون عارفها بمعني تاني بس انا مش فاهم كويس رد عليا و بسطهالي حبه افهمها و اعلق تاني لحسن اخوك مش متين اوي

roro said...

موضوع رائع يا كريم ..انا مش فاهم لية الناس بتبصلنا بطريقة سيئة جدا ....مع ان معظمنا بيكون مرهف الحس ومحترم ومتحضر ... ومش فاهم لية فى غل غريب فى اسلوب الكلام علينا زى ما يكون احنا السبب فى كل مشاكل العالم وكاننا اخترنا دة بايدينا

عماد رفعت said...

هاي كريم
بالنسبه لسبب كون حد مثلي فاعتقد ان احد وهو صغير هجمه اودعبه وجعله يشعر بالمتعه في شيء معين او باسلوب معين وبالتالي مارس معاه هذا او مع غيره من ذئاب البشر واخد علي هذا النوع من الجنس واصبح هذا النوع هو الطبيعي له وبالتالي انتوا ضحيه المجتمع
بس المشكله ان الانسان يحارب ويقول انا مثلي فده معناه الاستسلام مبكرا ولم يقاوم
لا ادري صحه كلامي لكنه استنتاجات

بالنسبه لكلامك انكم بشر
احنا عارفين انكم بشر
وعايز اسألك سؤال
هي الدنيا جنس فقط
لا انتوا بشر مختلفين في جزئيه معينه
لني ممكن اكون بشتري من مثلي وبيدرسلي مثلي ومصاحب مثلي عادي جدا

بس انا هرجع لنقطه الاستسلام لكوني هكذا
لا ماتستسلمش
واعتقد ان كلامي في البدايه لتعرض المثليين الا هجوم او اغتصاب وهم صغار هوما جعلهم هكذا هيجعلك في يوممن الايام ان تزوجت ان تبعدابنائكعن الكبار او البيات مع اقارب لهم بعيد عن البيت
ومني لك التحيه

kareem azmy said...

اهلا كوبا :

عموما انا مش بتاخر قوي كده في نشر موضوعات جديدة
انت بس بص في الارشيف و شوف انت شوفت اية و كده
لان الهوم بيدج عندي مش بتعرض الاخر بوست بس

اما بخصوص كلمة مثيلية
فانت بتتكلم بجد
و لا بتهزر ؟؟؟

عموما مثيلية تعني الميل الجنسي لنفس الجنس
فهمت ؟؟؟

كريم

kareem azmy said...

عزيزي رورو
زيارة سعيدة و نورت المدونة
و اشكرك على زيارتك و تعليقك و كلماتك


اما صديقي و لة نهاية
اشكرك على تعليقك
و لونك عرضت وجهة نظرك عن سبب المثيلية
و لكن هذا الراي لا ينطبق على حالتى
فانا لم اجرب الجنس الا بعد سن العشرين
يعنى مش نتيجة تحرش او تجربة في الطفولة
عموما اشكرك على مشاركتك الجميلة
نورت المدونة

كريم

Anonymous said...

الطب أتقدم وممكن يشفى الشذوذ الجنسى واخد بالك من كلمة شذوذ يعنى حاجه شاذه. يعنى ممكن تحصل انما بنسب قليلة والعلم دلوقتى أتقدم جدا وفى حالات ممكن تتعالج . ممكن سعادتك تروح لدكتور ويشوف ايه نسب أنك تقدر تخف من المرض ده

Anonymous said...

hi karem
i feel what you say so much although i'm not gay or lesbian...
el moshkela eno 7'alas zmn el e7sas w eltfahom entha ma 7dsh byfhm wla 3ayz yfhm kolo bydwr ezay ysbt eno a7sn mn kol elnas 7ta lw 3n tare2 db7 arwa7 mlhash znb fy ay 7aga
ma tz3lsh nfsk w matehtamesh l2n 3omr ma 7ad 7ayfhm
w blnesba lso2alk ela7'er 3omr ma 7d fehom 7ay7awl yfhm aw y3aleg aw ytqbl aw ysand aw y7my...7aynkro w bs
el music 7lw gdn w lw eno 7azen
some one

kareem azmy said...

دكتور خالد
ايوة انا واخد بالي من كلمة الشذوذ و فاهم معناها
بس هل كلامك ده اكيد ان الطب اتقدم و بيعلجوا الشذوذ دلوقتى ؟
اتمنى ان اعرف مجال تخصصك ؟
و كمان اية تخصص الطبيب اللى حضرتك بتقترح انى اروحلة ؟؟؟


اهلا بك يا سم وان
و شكرا على تعليقك

Anonymous said...

قلبى معاك فى معاناتك
ومحدش يقدر يسلب منك انسانيتك ابدا مهما قال
مع كل احترامى ليك اتمنى تدور على علاج
اكيد فيه علاج وفعلا الطب اتقدم
لازم تحط فى دماغك ان طبيعتك دى غير صحيحة فعلا مش تستسلم ليها
ومافيش حاجة من غير سبب اكيد فيه حاجة هى السبب فى كده
ربنا معاك على كل حال

LORD.M.M said...

عزيزي كريم

اليوم حتى قرات ما كتبه ذاك عن مدوناتنا

صراحة اجد انها مضيعة للوقت للرد على تلك الفئة من البشر باي شيئ
انها مدونات خاصة و لا دخل لاحد بها ان اراد ان يعلق بها فليكون تعليقه بما يحب ان يعلق احد في مدونته
لا تهتم ابدا او تزعل
صدقني ..الناس لن تشعر بك الا اذا كانت تعاني نفسك المك
لذلك اتركهم و لعلهم يوما ما يستطيعون الحوار بشكل متحضر و الاستعلام عن الموضوع قبل الخوض فيه بالجهل
اقدم لك تحياتي

سلامات

أحمــــــــدبــــــــــلال said...

لن ينتهى الجدال أبداً على هذا الموضوع بالرغم من أن المثليين من المفروض أنهم نسبة قليلة منالمجتمعات بس بالرغم من كده بيتم الهجوم عليهم طوال الوقت و ده طبعاً
لأن الاديان السماوية حرمت تلك الفعلة
عموماً الاديان لم تحرم التفكير و لكنها حرمت الفعلة
مما يعنى كونك شاذاً لا يضعك فى قائمة ما من المذنبين و لكن كونك تفعله هو ما يدخلك فى الحرام
مثلما تفكير الرجل فى الزنا ليس ممنوعاً
و لكن فعله للخطيئة هو المحرم

فى علماء و دكاترة بيتكلموا عنها بأنها أعاقة جنسية
بمعنى أن زى مايوجد شخص مولود أعمى أو أطرش أو معاق ذهنياً و بيكون مختلف عن المجتمع
يوجد شخص ولد شاذاً و أيضاً مختلف عن المجتمع أى أن ميوله ليست بيده
و لكن أفعاله هى التى يتحكم بها بنفسه

و هى مالهاش علاج فعلى ألا للى أصبحوا كده نتيجة تجربة نفسية معينة ممكن يتعالج
لكن فى ناس بتبقى تجاربهم الجنسية الاولى طبيعية جداً و لم يتعرضوا لأى أنتهاك جنسى فى حياته من قبل و لكنه يجد نفسه ميال لجنسه بالرغم من أن أول تجاربه كانت طبيعية
أى أنها ليست عائدة للتجربة الاولى أو التربية

على العموم شاهدت رجل فى أحدى المواصلات العامة يتحرش بالفتيات الصغيرات و هاجمه الناس بالطبع
و طبعاً أراه شاذاً
بل أتقزز منه ربما أكثر من المثليين لأنه يبحث عن من لا خبرة له أو مقاومة أو فهم
و لكن من يرغب بالمثلية فأنه يفعلها بكامل أرادته
فمن الطبيعى ألا نخاف كطبيعين من المثليين لأن من يتحول الى شاذ و يستمتع بذلك لديه من البداية البذرة الاساسية لميوله
أما لو كان طبيعياً بالكامل فهذا لن يقلقه بالمرة

حتى نحن كطبيعين
ولا أقصد التفرقة ألا بالمسميات
تجد الاختلاف بيننا فى الجنس
هناك من يحب بعض العنف و الاخر الرومانسية و آخر يجعل زوجته ترتدى زى معين و أحدهم يحب العاهرات بالرغم من زواجه
الجميع يختلف عن الاخرين فى الجنس
فكما يقال
الجنس كبصمة اليد مختلفة من شخص لأخر

و لا أحب محاسبة الناس لبعضهم البعض كأنهم كلهم قد أصبحوا قضاة
ربما نرتاح قليلاً لو فكرنا فى أن الله سبحانه و تعالى هو من سيحاسب البشر فى النهاية





ملحوظة
حذفتنى من قائمة مدوناتك

Anonymous said...

السلام عليكم..ازيك كريم..يارب تكون بخير دايما..
انا حسيت كلامك كويس اوي...وفهمتك..
وكنت عاوزه اقولك زي ما الدكتور خالد قالك..
انا قريت مشاك كتير في مواقع زي اسلام اونلاين عن ناس كانوا كدهوقدروا بفضل الله تعالى انهم يتخطوا الازمه..
انا مش ضدك..او ضد غيرك..بس المشكله في ان الواحد لما بيلاحظ عنده حاجه غلط بيحاول يحلها..مش بأنه يدور على الحاجه اللي تشبعها..او انه يقتل نفسه او كده...لأ..بأنه يدور على الحاجه اللي تخليها تروح خالص ويبقى انسان كويس وسوي..
الواحد لما يلاقي عنده حاجه غلط..مايدافعش عن الغلط ده..وف نفس الوقت مانلمهوش عليه..لكن يحاول بكل جهده يلاقي حل..
اللي بيدايقني اني لما بدخل مدونات ناس زي كده..
بيفرغوا شحناتهم وطاقتهم في قصص وكلام خادش للحياء جدا..طاب ليه؟..
ده اللي بيدايقني بس..
تقرب من ربنا اوي..وادعوه بكل ماتملك من قوه في قلبك انه مايخذلكش..وربنا بأذن الله عمره ماهيخذلك..حط ف بالك انك في امتحان كبير ولازم تتخطاه بنجاح..زي ما اي حد بتحصلله مشكله كبيره في حياته وبيبقى اختبار من ربنا..
واوعى تضعف..أو تحس انك غير البشر..إلجأ لربنا وعالج نفسك وبس..
وبجد بجد ربنا هايكرمك جامد اوي..انت وكل المسلمين..آمين ياااااارب

خواطر مثليه said...

كريم انت بجد قلت الكلام اللي علي لساني انا بكون مستغربه لما بسمع تعليقات الناس علي المثليين و المثليات كأنهم بيتكلموا عن حيوانات مش بشر ليهم لحم و دم و احساس كنهم بيتكلموا عن وحوش ادميه مالهاش قلب
اكيد ياكريم دي ترسبات في افكارهم من زمان و المجتمع حواليهم برضو بيشكل وجهه نظرهم مع حاجات تانيه كتير
صدقني انا مش عايزه اكون متشائمه بس فكر الناس حيفضل دايما كده يمكن كام الف يغيروا رأيهم بعد التعامل معانا بس الغالبيه من الناس حيفضل مخهم مقفل و ده بيحزن عشان كل واحد عنده مخ عشان يفكر بيه و يشوف ان المثليين دول بشر يعني مثلا بيكون بيحترم شخص معين و فجأه اول مايعرف انه مثلي يقعد يسب و يلعن فيه مانت كنت بتحترمه ايه اللي حصل ده هو هو نفس الشخص
دي بقه الازدواجيه يكريم
انت و انا مايهمناش كلام الناس لانه لا حيقدم و لا يأخر المهم ان نفسنا يجي اليوم اللي نشوف فيه عقليات متفتحه بتؤمن برأي مختلف عنها و ماتعتبرهوش عدو لدود
تحياتي عزيزي

Anonymous said...

Karim,

First of all I just found this " wealth" of bloggers in the arab world. very good news at last. second, I am sorry I do not have an arabic keyboard so my post is going to be in English. and third, I am an arab algerian gay too. If you see me in the flesh, you will never believe it: I could be your husband, brother or even father. Not all gays are sissies.
I feel the same as any average gay here and I am subject to the same dilemas. I wanted to react after reading "دكتور / خالد" post. I think his post summarizes it all: if our doctors think that way, then we should not be amazed by common people's grasp of the question. of course this cure thing is a JOKE. And, people before reading any further, bear in mind that I am moslem, pround of it and that I am FULLY aware of our religion position (even though sometimes I think it can be a matter of interpretation... I don't know really).
All the talk about a cure, hormones and shock therapies is a big lie. people who said they straightened out are generally liars: simply do a serious google search on this. I have been to numerous sites researching the subject, been to secular sites, moslem sites even christian sites and found the claims of curing this to be very shallow. people don't seem to realise how hard it is to live all day, every day, questionning the very core of you and furthermore the nagging big "why me" question.
All straight people should know that if there was a pill to make a gay/lesbian person become "normal" they would give any thing for it and I mean ANYTHING.
The most compassionate ones think that you're gay because you have been subject to some srt of abuse, well this is funny I just came across a survey the other day that says that molested children do not become homosexuals. I have been brought up in a very nice family, religious and conservative yet very open, and guess what, here I am the result of a very normal upbringing. I am sure we are millions like this.
Karim, remember we are THIRD world countries, and hence we do have a third world mentality: we tend not to analyse things, demonize people with different values and be offensive. The so called moslem scholars, doctors... that I have read/heard opinions of, have a very "amateur" vision and simply very childish explanations. I wish things were different.
As you say, we are treated as: objects, lustful sinners and well as a metter of fact simply apostates.
I do not think this will change in the short term. yet there are rays of sunshine, I liked some of the girls posts, very warm, very compassionate and understanding.
In the end, I think the best way to deal with this, but no garanties :-(, is to try to be celibate and move from there, our orientation should not be the bulk of us, we are much more that than. Oh by the way, do a gogle search about famous gay people you will be amazed that gays do not spend their life in sex, we actually helped shape the world for the better. actually whenever you use your computer, it is the vision of a "sick , dirty" gay man's mind that lead to it.

Hugs to you all.
Hakim

Romancy said...

السلام عليكم

كريم

فى البداية انا عرفت مدونتك بالصدفة البحتة
جيت و قريت كام موضوع كدا عن حياتك و مش عاوزة اقولك انا صعقت قد ايه .؟
انه شاب مصرى اوعربي ومسلم
وللاسف بيفعل فاحشة قوم لوط .. اللى بسببها اهلكوا ونزلت لهم سور كثيرة فى القران ..تنكر هذه الفاحشة وتحدد عقوبة من يفعل ذلك ..
وبمزيد من القراءة
حسيت فعلا بمعاناتك ومدى ألمك من واقعك المرير ..

وأسعدنى جداانك بتتألم ..

متستغربش او تقول انى سادية واتلذذ برؤية الاخرين يتعذبون

لكن لان المك ده معناه انك عارف خطورة الوضع اللى انت فيه
وعارف انك غلط و مش زى الناس الطبيعية
وسعيت بالفعل للعلاج .
لكن عاوزة اقولك حاجه مهما كانت رغباتك بتزيد او انت مش بتقدر تسيطر عليها اوعىىىىى تستسلم
خلى قدام عنيك حاجه واحده بس
فى الاخر يا جنة يا نار
وانت كانسان مسلم عارف ده كويس
فمتنساش نفسك وا لدنيا تاخدك و فى الاخر تلاقى نفسك مش عارف تقابل ربنا ولا تلاقى نفسك ضيعت الدنيا و الاخرة بسبب حاجه زى دى
حاول وحاول وحاول بكل السبل
وخلى املك فى ربنا و اكثر الاستغفار و الدعاء
وحاول تروح لطبيب و تحاول معاه واحكى له عن طفولتك لان المشكلة حصلت لك و انت طفل اكيد
ولا تجمع نفسك فى الصيغة واللفظ مع المثليين ولا تدافععنهم واعتبر نفسك انسان طبيعى جدا
وحاول تقرب من ربنا كتير و تقرا كتب دينيه
وتذكر اهلك و اصحابك و جيرانك لما يعرفوا حاجه زى دى هتكون قد ايه خية املهم و حسرتهم و صدمتهم ..!

ربنا يهديلك نفسك و يحل مشكلتك ويبعد عنك الشيطان
وياريت تتابعنا و تطمنا عليك يا كريم .

bdaia said...

كريم
أنا مش عارف أقولك إيه , أقولك أنه كل الناس بتقرف مننا وبتعاملنا على أننا مجرد حشرات , والله أنا خايف من الأنتحار , أنا والله نفسي ألاقي نفسي مع البنات بس أعمل إية مش بحب إلا الشباب , والله غصب عني .
وللدكتور يا دكتور والله أنا كتير كنت بصلي وألاقي نفسي جوه المسجد عيني بتروح للشباب إللي موجودين , أنا زهقت ومليت , يارب ريحنا وغيرنا .
كريم أتمنى التواصل
g.egypet@yahoo.com
hma

Anonymous said...

سلاام كريم..الصراحة انا كنت قاعدة ادور عن موضوع في النت وفجأة لقيت نفسي قاعدة اقرى في صفحتك
صدقا صدقا اتفهم معاناتك.....وابغى الناس تفهم انك ممكن تكون مثلي من غير ممارسة الجنس(بما انه موضوع الجنس هو اللي عامل جدل)ممكن تكون مثلي بعواطفك ياصديقي ونحن لا نستطيع مهما حاولنا ان نسيطر على عواطفنا.......فأنا لم امارس الجنس في حياتي...ولكني في داخلي مثلية احب فتاة مثلي ..والامر ليس لعبة فهي حب حياتي منذ ما يقارب 12 سنة.. ولم اصارحها من قبل ,واحاول ايضا ان لا اصارح نفسي بهذه الحقيقة..كم اني لم اتحرش بها من قبل....انا اقول هذا الكلام فقط ليعرف الجميع ان المثليين ليسو وحووش همها الانقضاض على فريستها وانها تضع الممارسات الجنسية في قائمة اولوياتها ضاربة بعرض الحائط القيم النسانية والمشاعر الجميلة
دعونا ارجوكم من التصنيفات .ورفقا بنا.فما نعانيه يفوق التصور..

انسان عابر

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .