https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

15 January 2007

الحب المر


يا ترى جربت الحب المر ؟

يبقى حبيبك اللى عشقته من غير قلب
لا الافعال و لا كلمات بتأثر فيه
حبك ليه زى المطرة اللى بتنزل فوق الصخر

متصدقش
متصدقش ان الميه ف يوم ترويه
و لا مرة هتنبت فيه بذرة و شجرة و حبك ليه

انا جربته و عايش فيه
من غير قلب حبيبى اتريه
اقوله احبك يقولى و انا اعمل ايه ؟
اساله فين حبك ؟ يقول موجود مش حاسس بيه ؟

لازم طبعا اقول موجود
حب كبير و مالهوش حدود
احسن يزعل يغضب منى
و انا طبعا مقدرش عليه

كلمه تدل انه يحبك
و ميه يقولوا انه ماحبك

اعمل ايه ؟
افضل احبه ؟
و اعشق قلبه ؟
اللى و لا مرة بدقات قلبى حاسس بيه
و لا اسيبه و اسيب الصخرة ؟
و اسيب حبى ينزل مطره ؟
فوق قلب حنين يرويه

قلب يخاف و يحب و يعشق
قلبى المسكين اللى بيعزف من حزنه اللحن وحيد
و ساعتها اللحن هيكمل
يصبح غنوه ف ليله عيد
فرحه و بهجه و حب سعيد
ما هو طبعا ده الحب اكيد

يا ترى جربت الحب المر ؟؟؟
انا جربت الحب المر



14 comments:

قصاقيص said...

الله ياكريم
حلوة فعلا
وعلي فكرة........."بصرة"0
معلش غيبت عليك في الكومنتات....الامتحانات معلش
كمل ياكريم.....كتير من كلامك بيعجبني اوى
تحياتي

memokareem said...

هاى مي
و لا يهمك يا جميل و ربنا يوفقك

بس انا مش فاهم تقصدي اية ببصرة ؟؟؟
ارجوا التوضيح

قصاقيص said...

قصدي أقولك إني شربت كتير من الحب المر
بس اكتشفت اني مش لازم استحمل مرارة تاني........حتي ولو كانت مرارة ترياق وفيه حياتي
اتمنالك الخير

memokareem said...

الغالية مي

كد فهمت ... او شكرك على امنيتك و انا كمان اتمنالك كل خير و سعادة مع انسان فعلا يحبك و يقدر مشاعرك الجميلة عشان نقرا احلى كلمات العشق اللى هتكتبها و هتبقى احلى كلمات عشق اتقالت ف الوجود

وينكى said...

انا حاسه انى قريت القصيده التحفه دى قبل كده عندك من مده
هو انت نقلتها من الارشيف للصفحه الاولى ,ولا انا مخى بيتوهم حاجات غريبه؟
بقالى كتير ما زرتكش..معلش انت عارف
امتحانات بقى
ادعولييييييييييييييييي كتييييييييير
اه
شوفلى حد يلحنها لو سمحت
اصلها دخلت دماغى قوى
باتكلم بجد

memokareem said...

فعلا يا وينكى كلامك صح بس انا كنت عارضها على انها موضوع و كاتب حكايتها و مكنتش عارضها على انها فصيدة فانظلمت عشان كده عدلتها و نشرتها تانى

عموما دى تانى اغنية انتى عاوزها عشان تغنيها بس للاسف انا ماليش احتكاك بالوسط الفنى عشان اعرف ملحنين
ممكن انتى تتولى الموضوع ده

بس ركزى ف الامتحانات اليومين دول و ربنا يوفقك

LORD.M.M said...

اخي كريم ..كيفك ؟

ان شاء الله تكون تمام ..

قرات اغلب مواضعيك و اردت ان ابدي

اعجابي بمدونتك و مواضيعك

كما ان قصائدك تتدخل للقلب مباشرة بدون تحفظ ..

سلامات

LORD.M.M said...

حاجة تانية نسيت اقولها ..

نعم جربتوا !!!

لكن هل جربت الحب الحلو ؟؟

هل هو موجود ام انه مجرد اسطورة او خرافة ؟

GayofSun said...

حبيبي كيمو
ازيك يا عم
على فكرة، حسيت بشعور رائع و جميل و أنا أنظر للصورة و أقرأ الكلمات
يا إلهي يا كيمو
كم أتمنى أن أكون مكان ذلك الشخص الذي يجلس على الكرسي و حبيبي يقبلني و يراضيني لأني زعلتو
ادعيلي

gay said...

ازيك يا كيمو : ـ

قصيدة جميلة جداً ، لو كانت مجرد خواطر وليست تجربة ، فأنت خيالك جميل جداً وشاعرى ، أما لو كانت تجربة مريت بيها ، فأتمنى أن تجد الحب الحلو والله يوفقك

memokareem said...

صديقي لورد :
اشكرك على كلامك الرقيق
اما بخصوص الحب الحلو
لا مجربتوش للاسف

memokareem said...

صديقي مثلي الشمس

اتمنى لك ان تجد ما تتمناه
و تجد ذلك الشخص الذى يحبك و تحبة و تعيشا سويا اوقات سعيدة لا تنتهي

memokareem said...

صديقي جاي نحو حياة افضل :

اشكرك على كلامك
نعم تلك الكلمات كانت نتيجة تجربة حقيقية و ليست خيالا

و اشكرك على امنيتك لي
و لا اعرف اذا كنت اتمنى لك الحب الحلو ام اتمنى لك الشفاء و ان تنجح في طريق خلاصك من مثيليتك
عموما اتمنى لك النجاح في طريقك

كريم

ismail_20005 said...

أنا جربت الحب المر ولكن لأنى لم أستطيع الأعتراف لمن أحبه بحبى له لأنه غير مثلى وأكتفيت ان أكون صديق له لكى أكون بجانبه ولايبعد عن عينى
فما أصعب من الحب المر سوى أن تحب من لايعرف اساسا أنك تحبه

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .