https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

20 January 2007

طائرنا المقدس

اهلا بيكم اصدقائي :

و مع بوست جديد بشكل جديد
انا فكرت انى اكتب وجهه نظري في الموضوع
بس لقيت ان الموضوع هيبقي عادى
و ردودكم هتبقى غالبا انكم بتأيدوا كلامي او بترفضوه و خلاص



عشان كدة انا فكرت اقدم الموضوع بشكل مختلف
و هيكون دوركم اكثر ايجابية من الموافقة و الرفض
النهاردة انا هقدملكم مسابقة قوة الملاحظة
ملاحظة أوجه الشبة بين مجتمعنا و بين طائر النعامة




صراحة يا جماعة انا شايف ان فية تشابة لدرجة كبيرة
لدرجة اننا المفروض نسمية طائرنا المقدس
نعم النعامة طائرنا المقدس
و يجب علينا ان نرفع من شأنها في كل احتفالاتنا
و يجب ان نعظمها ايضا
حيث يرجع لها الفضل في كثير من امور حياتنا
لدرجة اننا اصبحنا نقلدها في كل شىء
انا بقترح يا جماعة اننا ننزل صورها على التيشرتات و المجات و خلافة



وسؤالنا هو ما هي اوجة الشبة بيننا و بين النعامة ؟

ياله يا جماعة انا متوقع اجابات كتير جدا
و اللى هيقدر يقولنا اكبر عدد من اوجة الشبة له عندي هدية
يالة جمع اكبر عدد من أوجة الشبة
و انتظر الهدية
**************

10 comments:

وينكى said...

انا مش هاتكلم عن أوجه الشبه المعروفه عشان بحب التجديد
ومش هاتكلم على حد وهو مش موجود عشان كده عيب
انا هاقول وجه الشبه بينى وبين النعامه
وجه الشبه بينى وبين النعامه









الطول
:P

memokareem said...

ههههههههههههههههههههههههه

ماشى يا ست وينكي
عاوز اجبات اكتر
حاجة واحدة متنفعش

Utopian said...

مممممممممممممممم

ايه يا عم كريم الاسئله الصعبه دي

طب فيه اختيارات

ههههههههههههههه

طبعا فيه شبه منطقي و هو اول حاجه هتيجي علي بال اي حد لانها المعلومه اللي كلنا نعرفها عن النعامه

ايه تاني!!!

طب اديني مهله افكر بأه

انا حبيت اجي امسي يابو كريم

سلام مؤقتا

Dalia said...

طيب ممكن اقول انا
وجه الشبه بينا و بين النعامه اننا بندفن راسنا فى الرمل
:(

memokareem said...

اهلا يا يوتوبيان

نورت المدونة .... و عموما قدامك محاولتين .... فكر براحتك بس عاوزك تكتب اوجة شبه كتير عشان تكسب الهدية

اهلا بك صديق عزيز


عزيزتى داليا
متشكر على مشاركتك و برافو قولتلى شبة واحد
فيه اوجة شبة كمان ليكى كمان محولتين
ها حاولى تركزي و لو قولتلى اكتر اكيد انتى اللى هتفوزي

يالة يا شباب فين التركيز باين الامتحانات لاخمة الناس

ربنا يوفقكم كلكم

Dalia said...

مابحبش سيره الامتحانات يا كريم
بص هى دى الاجابه اللى عندى انا حطيتها فى الورق و طلعت بعد نص الوقت :D

قصاقيص said...

مش ناوية اتكلم عن اوجه الشبه قبل ما اقترح عليك نوعية الهدية...ايه رأيك في " تمثال دهب لنعامه"؟؟
ههههههههه
مش بقت مقدسة

Anonymous said...

انا ضيف عابر - عجبتني اللعبة و الموسيقى - ممكن اقول بعض التشابه بين طائرك المقدس و بين بني ادم من عندنا - النفخة الكدابة ( الشكل من بره جامد اوي و المحتوى ربع الهيصه ديه ) و الرقود على البيض ( كل واحد يفهم على كيفه ) و الشجاعة المطلقة خاصة في المواقف الحياتية ( شوف كام واحد مهتم بكريم و كام واحد نعامه) والصوت الواطي
اقول كمان - قلبي وجعني

kareem said...

اهلا صديقي العابر

متشكر جدا على زيارتك و اتمني انها متكونش عابرة
و اتمني اشوفك كتير هنا

على فكرة انت اكتر واحد تستحق الجايزة
و فعلا انت قولت اكتر اوجه للشبة بينا و بين طائرنا المقدس

صراحة بس انا مش قادر افهم موضوع البيض ده
ههههههههههههه
بجد
ممكن توضح شوية اصل انا مكنتش اعرف اننا بنرقد على بيض كمان
هههههههههههههههههههههههههههه

يا ريت اتشرف بمعرفتك

كريم

Anonymous said...

هااااااااااااااااااااي
انا عجبتني فكرة المسابقة لكني لم احب فكرة التقديس
انا ممكن اشارك مع اني عارف ان الهدية طارت مني خلاص ههههههههههههههه
لكن احب اذكر شبه بالتحديد بين المجتع العربي والنعامة
1النعامة اكبر طائر لكن ما يطير ...احنا مجتمع كبير لكن تفكير محدود كتير
2النعامة لما تحس بالخطر تحط راسها بالرمل ... واحنا للاسف لما نحس بالخطر نضحي باول واحد قدمنا
3النعامة سريعة كتير ... ولايوجد اسرع منا في الهروب من المشاكل
4 بيض النعم قاسي ... وقلوب البشر اقسى
5لحم النعام من الذ اللحوم ... وكذلك لحم الانسان لما ياكله اخوه الانسان
6ريش النعام يستعمل لصنع وسادة ...والانسان يستعمل سلم لاخوه الانسان

سلام .............ghost

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .