يعني اية بتحبني و تكون لغيري ؟
يعنى اية قلبك يكونلي و يميل لغيري ؟
يعنى اية ابقى معاك و اصون هواك
و قلبك انت بيحب غيري ؟
هو الحب أية غير قلبين
قلب يطير م الشوق لحبيبه
ينادي علية رغم المسافات
و لما يقابله يطير م الفرحة
يضم حبيبه بدون سلامات
حتى ان كان ملايين وياه
في الدنيا ميشوفش سواه
مش بيقولوا دول حبيبين
حتى الكلمة من حرفين
و كل العشاق كانوا اتنين
ده عمر ما واحد حب اتنين
يعنى ايه بتحبني و تكون لغيري ؟
يعنى ايه قلبك يكونلي و يميل لغيري ؟
*************
يعنى اية قلبك يكونلي و يميل لغيري ؟
يعنى اية ابقى معاك و اصون هواك
و قلبك انت بيحب غيري ؟
هو الحب أية غير قلبين
قلب يطير م الشوق لحبيبه
ينادي علية رغم المسافات
و لما يقابله يطير م الفرحة
يضم حبيبه بدون سلامات
حتى ان كان ملايين وياه
في الدنيا ميشوفش سواه
مش بيقولوا دول حبيبين
حتى الكلمة من حرفين
و كل العشاق كانوا اتنين
ده عمر ما واحد حب اتنين
يعنى ايه بتحبني و تكون لغيري ؟
يعنى ايه قلبك يكونلي و يميل لغيري ؟
*************
10 comments:
جميلة اوى ياكريم
بجد بحب اوى كتاباتك الحيادية دي..........ياريتك تكمل في الكتابة باحاسيس كده
صديقتى مي :
اشكرك جدا على كلامك الرقيق
و لوني يعنى ده ميجيش اى حاجه جنب كلامك الرائع
عموما اشكرك
مش عاوزه اسمع ان فيكو زعل من التانى مهما حصل
اوكى؟
احنا البلوجريه مالناش غير بعضينا.. ومهما حصل مافيش حاجه هاتخلينا نزعل من بعض
اوكى
عارف يا كريم
انت تدورلك على واحد كده يكون ملحناتى كويس يلحنلك الغنيوه دى
وتديهالى أغنيهالك
ايه رأيك؟
والأوبيج هايبقى فيفتى فيفتى
هاخد النص بتاعى كاش
والنص بتاعك
هاتجيبلى بيه شيكولاته
:p
وينكي مفيش زعل و لا حاجه
ده جاى اوف سن حبيب قلبي
ده كان مجرد عتاب و الموضوع عدى
اما بخصوص كلماتي
لا يا ستي انتى شوفى حد يلحنهالك بس ارجوكى احتفظى باسم كمؤلف
و مش عاوز منك حاجه
لا كاش و لا شيكولاتة
المهم انتى تغنيها بصوتك و كده
و تبقى زي شرين عبد الوهاب
و ربنا يوفقك
اوكى
أنا بعرف ألحن... ليا كام؟؟؟ :P
حبيبى دائم الحزن
طيب كويس حبيبى
يالة بقى الكلمات اهيه
و انت تلحنها
و وينكى هتغنيها
بجد يبقى كده ثلاثى تمام قوى
لو بتتكلم بجد يالة ورينا شطرتك اوكى
احنا ف انتظار اللحن
جمييييييييييييييييييييييييييييله أوى شأن كل القصايد والكلام اللى انت بتكتبه ميمو
بجد عجبتنى يمكن لإنها بتعبر عن علاقه سابقه بالنسبه لى وأكيد ناس كتير مرت بالتجربه دى
يعنى انت جيت على الجرح
من أهم الأشياء اللى بتميز الكاتب سواء كلمات أغنيه أو موضوع بيشرح فيه أفكاره إنه يكتب عن حاجه عايشها أكبر عدد ممكن من الناس وأكيد مفيش أكتر من موضوع الجرح بين شخصين بتلمس بيها الأحاسيس والمشاعر واللى يأكد كلامى ده انك تلاقى كل الاغانى اللى ناجحه جدا بتكون اغانى كلها هجر ودموع وخناقات بين الحبيبين
بجد بهنيك ومستنى منك ابداعات جديده دايما
أنا أيمن
كلمات هايلة بجد
بسيطة ورقيقة كده
وتنفع اغنية زى ما قالت وينكى
كمان الموضوع جديد
وكلنا اكيد حسينا بيه
بالتوفيق
اهلا بيكى يا سوفينكوراس
هو الاسم كده صح و لا فية حاجه غلط ؟
عموما اشكرك ع الزيارة و على التعليق .... ويا سيتى لو تعرفى ملحن كده يعنى يلحنها للست وينكي عشان ننطلق بقى
و هنشوفك بردة بشوية شيكولاتة بس من ورا وينكي و اوعى تقوللها احسن تاكلنا بدل الشيكولاتة
هههههههههههههههههه
كريم بصراحة كتاباتك هايلة اسلوبك حلو موت
أنا لسه جديدة فى عالم التدوين
يعنى جربت قولت أدخله وأعمل مدونة ليااا ههههههههه
يعنى فكرة بس ادعى لى وقول يارب يا هنوى تعرفى تعمليها ههههه
عجبتنى مدونتك بصراحة بتجذب
بس وكتبت التعليق
ان شاء الله بالتوفيق يا كريم
دة رابط مدونتى بس هيا لسه فى البداية
http://hana4.blogspot.com
بااااااى
هناااااا
Post a Comment
اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .