https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

17 January 2007

بتسأل عليا لية ؟ .... قصيدة


بتسأل عليا ليه ؟؟
هو انت عاوز أية ؟
مانا كنت زمان وياك
دلوقتي راجعلي ليه ؟


خايف من اية ما تقول
اللى مخبية جواك
مستني تاني ارجعلك
أجي اقولك مشتاق
و عايزني افكر فيك
و أرجع اقولك شبيك
لبيك انا قلبي يا عمري
و حياتي و كلي فداك


عايز تقرب قرب
بس انت لسه بعيد
مش ممكن تانى هجرب
حبك ده من جديد


حاسس بحبك ليا ؟
عمال تفكر فيا ؟
نفسك تشوف ف عنيا
الشوق اليك بيزيد


لا لا لاء يا عمري تعالى
شوف القلب المسكين
دلوقتي بقى متعالى
على اى حب حزين
و لا يوم هيضعف تاني
و لا هيحس بجراح
علشانك بقى دلوقتى
قلبى هو الجراح



بتسأل عليا لية ؟
هو انت عاوز أية ؟
مانا كنت زمان وياك
دلوقتي راجعلي ليه ؟


*************

بتسأل عليا ليه ؟
هو انت عاوز أية ؟
مانا كنت زمان وياك
دلوقتي راجعلي ليه ؟


خايف من اية ما تقول
اللى مخبية جواك
مستني تاني ارجعلك
أجي اقولك مشتاق
و عايزني افكر فيك
و أرجع اقولك شبيك
لبيك انا قلبي يا عمري
و حياتي و كلي فداك


عايز تقرب قرب
بس انت لسه بعيد
مش ممكن تانى هجرب
حبك ده من جديد


حاسس بحبك ليا ؟
عمال تفكر فيا ؟
نفسك تشوف ف عنيا
الشوق اليك بيزيد


لا لا لاء يا عمري تعالى
شوف القلب المسكين
دلوقتي بقى متعالى
على اى حب حزين
و لا يوم هيضعف تاني
و لا هيحس بجراح
علشانك بقى دلوقتى
قلبى هو الجراح



بتسأل عليا لية ؟
هو انت عاوز أية ؟
مانا كنت زمان وياك
دلوقتي راجعلي ليه ؟


*************

10 comments:

memokareem said...

قبل ما تقولوا تعليقكم
انا عارف ان الكلمات مثيرة للضحك
انا كل ما اقراها اضحك
و علطول بيجى ف دماغى اغنية
يالة بينا على الروف
نحط النقط على الحروف

مستنى تعليقاتكم
و كمان تعليق ايمن
ههههههههههههههه

وينكى said...

لا بجد حلوه وعجبتنى قوى يا كيمو
انت جبت م الاخر وبمنتهى البساطه
حلوه
عاوزه اغنيها بجد بجد يا عمو
امال فين الملحن بتاعنا؟
من ساعت ما قال هالحن وهو مختفى ليه؟
اتصرف انا عاوزاها بجد

memokareem said...

هههههههههههه
لا متقلقيش خالص يا وينكى
مش محتاجين ملحن

اصلها نزلة كده بلحنها
اتصلى بية و انا اقولك اللحن
اصلى انتى فاهمه انا لسه كاتبها
و انا درجة حرارتى 40
مش عارف بقى انا نايم لقيت نفسى عمال اغنى
ايه ده
روحت رافه البطاطين و عملت زيك بالضبط
و جبت قلم وورقة و لقيت الكلام نازل لوحدة كده
لا و ايه نازل غنا
هههههههههههه

ياله اتصلى قبل ما اخف و انسى اللحن
اصل صراحة مش عارف اكتبة ازاى

ههههههههههههههه

وينكى said...

اهئ اهئ اهئ
للأسف ما لحقتش اللحن
يابنى تبقى تسجله على كاسيت ولا حاجه
كنت باعملها زمان كتير.. وكان عندى شرايط قد كده بصوتى .. لما كنت باغنى وانا صغيره
طبعا ماتحاولش تعرف حاجه عن الفضايح دى.. لأنى مستحيل اطلع اى حد عليها
هههههههه

sadgayeg said...

لا يا وينكي من ساعتها وأنا قاعد ألحن وألحن وألحن :))
عامل ايه يا كيمو.. أنا عارف أني مقصر معاك.. بس بجد.. مش طايق أبص حتى في المراية!!!!
يلا خير.. الحمدلله على كل شيء..
محمد

Dalia said...

جميله اوى يا كريم

memokareem said...

شكرا يا داليا

raspoutine said...

يا عم قولى الاول الكلام ده انت كاتبه لمين ؟؟؟؟؟؟؟؟؟؟









ايمن فاروق

memokareem said...

هااااى ايمن فاروق

اهلا بك صديقا جديدا
الكلام ده كتبتة و تعبان جدا
لمين ؟ لواحد كنت بحبة زمان

و الغريبة اسمة ايمن برضة تخيل
هههههههههه

كريم

hana said...

والله يا كريم الكلمات تجنن
بتعرف دى عاوزة تتلحن
هتبقى اغنية دجامدة اووى
بالتوفيق دايما
هنااا

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .