15 January 2007

الشك و اليقين

يوجد الكثر من التساؤلات داخلي حول قصة قوم لوط
اتمنى ان اجد لها اجابات شافية :
اذا كان لديك اجابة على اي من هذه التساؤلات ارجوك ابعث بها فى التعليق على الموضوع


لماذا هلك الله قوم لوط ؟
هل لانهم أتوا فاحشة لم يأتي بها قوم قبلهم ألا و هى المثيلية ؟
هل تغاضى الله عن كفرهم و شركهم به , و تكذيبهم سيدنا لوط و رسالته اليهم , و تغاضى عن قطعهم الطريق , تغاضى عن ارتكابهم للزنا , و الكثير و الكثير من الأثام التى ارتكبوها , و انزل بهم عذابة فقط لأنهم مارسوا المثيلية ؟


على الرغم من ان الله هلك ايضا قوم سيدنا نوح لكفرهم فقط , و لم يمارسوا المثيلية , و لكن اغرقهم لكفرهم به
و كذلك اغرق فرعون و اعوانة ايضا لكفرهم به , و لم يمارس فرعون و لا رجالة المثيلية


طيب ... دعونا نقول ان الله اهلك قوم لوط لمثيليتهم
اذا لماذا هلك الله نساء قوم لوط ايضا ؟؟
ربما اجيب و اقول انهم مارسوا السحاق ... على الرغم ان القرأن في اياتة الخاصة بقصة قوم لوط لم بحكي لنا عن سحاق نساء قوم لوط


طيب ... دعونا نقول ان نساء هذا القوم كانوا ساحقات
لماذا امر الله سيدنا لوط بترك زوجتة مع القوم عند خروجة هو و بناتة و القليل ممن أمنوا به
هل كانت زوجة سيدنا لوط تمارس السحاق ؟ على الرغم من انها كانت متزوجة و لديها بنات


دعونا نقول ان الله هلك قوم لوط لاتيانهم فاحشة لم يسبقها اليهم قوم ألا و هى اللواط
و ليس لكل الأثم الاخرى
الم يخترع الانسان في هذا العصر الكثير و الكثير من الأثام التى لم يأتي بها القدماء
مثل تعاطي المخدرات ... التدخين ... السحاق اذا اعتبرناه أثم جديد ... اغتصاب الاطفال .... القتل و الذبح بدون مبرر ... الارهاب ... افلام الجنس ... الجنس غير الشرعي بين الاباء و الابناء و الاخوات


اتمنى ان يتناول احد الباحثين الموضوعين تلك الموضوعات بدراسة موضوعية .... لان تلك الموضوعات نتجاهلها و لا ندرسها و نتحدث عنها بدون تفكير و لا دراسة ... كل ما نفعلة نعطى انطباعات و اراء تناقلناها فيما بيننا بدون تفكير او وعي


ملحوظة **** كل هذا الكلام مجرد تفكير ليست أراء انا فقط افكر و ابحث عن اجابة



ليس عيبا ان نشك حتى نصل لليقين


6 comments:

قصاقيص said...

العزيز كريم
اللي متأكدة منه اني ما اقدرش اخمن ولا افتي
لكن برضه متاكدة انه حقك ان كل الاسئله دي تدور في راسك
وفي نفس الوقت انا عندي عقيدة بتقول ان العقاب والحساب مش بس علي الدين او الايمان والكفر ب....بيتهيألي علي الاعمال كمان
والمشاكل الل انت ذكرتها فعلا كتير ..وما خفي كان اعظم...بس احنا تقريبا في صله قرابه بينا وبين النعامة
اتمنالك الوصول لليقين

kareem azmy said...

صديقتى مي

اشكرك على تعليقك و تفهمك موضوعي هذه المرة و كنت اخشى ان يفهم القراء هذا البوست بشكل مختلف كما حدث مع بوست ( هل يصدق التاريخ دائما ؟)

و اشكرك على تشبية النعامة لان هذا هو الواقع .... نحن لا نواجه انفسنا ... مادام كل شىء يتم ف الخفاء اذن كل شىء بخير ... و هذا ما تفعلة النعامة

اتمنى ان تدرس المشاكل بشكل موضوعي للوصول لليقين و اساس المشاكل و طرق علاجها ... حتى لو لم تتمكن الدراسة من تقديم العلاج فيكفينا ان نرصد مشاكلنا و نعترف بوجودها

Anonymous said...

أسئله ممكن تدور فى مخ أى انسان
ومن حق اى انسان انه يسأل.. لأن المعرفه شىء بديهى
لكنقدامنا دلوقتى نقطتين
هل ممكن تلاقى اجابات لأسئلتك؟
ولو لقيت الشخص اللى يعرف.. هل ممكن انه يتقبل أسئله من النوع دا؟
اصل مجتمعنا عودنا اننا نسمع ونطيع من غير ما نناقش او نفتح بقنا
اتمنى انك تلاقى اجابات شافيه

kareem azmy said...

شوفتى بقى يا ست وينكي الموضوع صعب ازاي ..... بجد مش عارف بقى

اتمنى ان حد يكون دارس كويس ف التاريخ و الدين يفيدنا لانى بجد حاولت ع النت بس مش بوصل لشىء خالص

لو تعرفي حد يا وينكي له علاقة بالموضوع ده ممكن تبعتيلة لنك الموضوع يمكن يجاوب على اى سؤال

Anonymous said...

بص ياسيدى
ما انا الظاهر مكتوب عليه اوضح لك كل حاجه ما انا مش هخلص من دماغك اللى ما بتبطلشى اسئله
اسمع مبمو
اول نقطه انت عارف ان انا على درايه بموضوع قصص الانبياء بحكم دراستى
اول حاجه هرد عليك فيها هى موضوع زوجة سيدنا نوح وسيدنا لوط
اولا لم يمارسوا الرزيله او السحاق قط بس ذنب زوجة سيدنا لوط انها اتفقت مع قومها انها تشعل نار فى البيت يصدر منها دحان يراه قومها يعرفوا من خلاله ان سيدنا لوط عنده ضيوف ذكران فيأتوا اليه يساوموه عليهم وده معناه انها كانت موافقه على اللى قومها بيعملوه وده كان ذنتها عشان كده ربنا امر سيدنا لوط يتركها مع قومه لانها ستعاقب بنفس عقاب قومها
ثانيا بالنسبه لقوم سيدنا لوط نفسهم انت بتسأل ليه كان العقاب على موضوع المثيليه وللا لكفرهم وللا لقطعهم الطريق وخلافه من الذنوب اللى كانوا بيرتكبوها
بص ياسيدى كل قوم من اقوام الرسل متفقين فى بعض الذنوب زى كفرهم بنبيهم وتكذيبهم بيه وارتكابهم من الذنوب والاثام الاخرى لكن كل قوم من هؤلاء الاقوام له ذنب مميز بيه بمعنى اوضح فيه قوم كانوا مشهورين بذنب الغش فى الميزان وفيه قوم مميزين بذنب التكبر والاستعلاء وفيه قوم زى قوم لوط كانوا مميزين باللواط وهكذا لكن كلهم مشتركين فى كفرهم بالله وتكذيبهم الانبياء وقتلهم الانبياء وقطعهم للطريق وغيرها من الاثام
فهمتنى مبمو؟
يعنى قوم لوط لما نزل بيهم العذاب كان السبب الاكبر الفاحشه التى لم بأتى بها احد قبلهم بجانب كفرهم بالله وتكذيبهم لنبيهم وقطعهم الطرق وخلافه
اما بالنسبه لاخر نقطه طرحتها وهى ان زماننا ظهر فيه من الفواحش مالم يظهر من قبل فى الامم السابقه فهوضح لك نقطه هى ان من الاشياء اللى تميز بيها نبينا محمد صلى الله عليه وسلم هى رفع العذاب الى يوم القيامه بمعنى ان كل قوم من اقوام الانبياء السابقين كان بينزل بيهم العذاب حال حياتهم اى فى وجود نبيهم اما بعد بعث الرسول صلى الله عليه وسلم ارتفع العذاب بأمر من الله عن الارض الى يوم القيامه لكن ظهور بعض الكوارث كالزلازل والبراكين والاعاصير المدمره فده تنبيه من ربنا انى قادر على عذابكم حال حياتكم ولتذكير الناس بقدرة الله على الاعطاء والمنع ولتذكير الناس ايضا بعقاب الله
ارجو انى اكون وضحت بعض الامور وانك تكون استفدت منها انت و كا اللى موجودين
شكرا لصدركم الرحب

أنا أيمن

Anonymous said...

انا كنت زيك في فترة من حياتي يا كريم بسأل كتير و بسأل بغلاسة و قرف
و الحقيقة مرة من المرات اللي بتمرد فيها دخل في الحوار شيخ و كنا واقفين في مكتبة قالي و مردش على اسئلتي قالي لا تكونن ممن رزق الجدل و حرم العمل فوجد الله عنده فوفاه حسابه الفكرة مش في الجملة لكن في الوقت اللى جت فيه متعرفش ليه هزتني اوى و طلعت البيت اعيط مكدبش عليك فضلت على حالى و اكتر من خمس سنين افكر في حجات فوق العقل لحد ما ربنا اذن انه يطمن قلبي و خلاني ولا ازكي نفسي على الله ممن هم امنوا و لم يرتابوا اللهم دمها عليه نعمه جعلك الله منهم يا كرميلا

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .