https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

13 December 2006

دنيا عجيبة


صدفة قابلني
بعد ما كنت قدرت انساه
قالي فاكرني ؟
قلتله و أنا ليه أنساك ؟

و قلت لنفسي
أنسى ازاى جرحي وياك
و سألته ف سري:
انت اللى فاكرني ؟

فاكر انى كنت بحبك
كنت ف حبك بسهر ليلي
واحلم تيجي تقولي بحبك
تيجي تضم لقلبك شوقي
و تطفي نار حبي و خوفي ؟


قالي سامحني
قلت أسمحك ؟
قالي أنا عارف انى ظلمتك
قلتله ليه ؟
هو انا كنت أبقالك أيه ؟
ده أنا كنت مجرد واحد شوفته
قلتله ممكن نبقى صحاب
صدقتك على طول و أمنتك
على قلبي حياتى و أسرارى

و فجأة لقيتك مش جنبي
بعد ما كنت بدأت معاك
أحلم بحياتي ويالك


قالي حقيقي أنا محتاجلك
قلتله ليه ؟
هى الدنيا جرى فيها أيه؟
فين اللى عشانهم باع قلبي
و نسينى وهجرني و فاتني


و قلت غريبة
أما والله دى دنيا عجيبة
لما تحب و تعشق من قلبك
تلاقي حبيبك مش جنبك
تبعد تنسى و متفكرش
تلاقيه جيلك بيقولك

سامحني ... ظلمتك ... محتاجلك


3 comments:

ismail_20005 said...

قصيدة جميلة وحقيقى بتعبر عن مواقف بتمر فى حياتنا

Anonymous said...

يا خوفى يا بدران


داليا - ريم

a7mad moody said...

جميله كتير ورقيقة اكتر
عنده حق Anonymous بس صح
يا خوفي

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .