https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

05 July 2008

أنا مش عارفني

انا مش عارفني
انا تهت مني
انا مش أنا

لا دي ملامحي
و لا الشكل شكلي
و لا ده أنا

ابص لروحى فجاة لقيتنى
لقيتنى كبرت فجأة كبرت
تعبت من المفاجأة و نزلت دمعتى

قوليلى أيه يا مرايتي
قوليلى أيه حكايتي
تكونش دى نهايتى و اخر قصتي

يا دنيا طفيتى شمعي
يا ناس كترتوا دمعي
و العمر راح هدر

كتبت الأه بقلمي
كسرتوا سن قلمي
و برضه بقول قدري

حزين من صغر سني
و مين على الأه يعني
مودانى الخطاوى لسكة تايهة مني

يا ليل , الجرح قالي
معايا زى ضلي
مأنس وحدتي

سرقت عمرى كله
خلاص مبقاش فاضلي
غير جرحى و دمعتي

جريح و ده مش بيدي
مخدتش بس بدي
زرعت يا ناس ورودي
جنيت الشوك لوحدي

****
غناء .. عبد الباسط حمودة
****
اضغط هنا لتحميل



7 comments:

Pacific said...

السلام عليكم
إنت كريم صح
ايه يا كريم ؟ ليه الحيرة اللى انت فيها اليومين دول انا ياكريم عشت مع نفسى برضه أيام بس كنت باكون انا كرهنى ! انا حببنى ! انا زعلان منى !ههه بس بجد الصعب لم أكون مش أقادر أقول لنفسى أنا مين أمبارح , النهارده , بكره ؟ بص يا كريم إدى لنفسك أجازة أعرض عليها رحلة , أخرج معها حاول تتكلم معها بهدوء أفهمها و إتصالح معها بس الاول لازم تكون عارف الطريق اللى أنت عاوز تمشى فيه مع نفسك
أتمنى لك التوفيق يا صديقى و على فكرة إذا كنت وجدت المكان الملىء بالاشجار اللى كنت بتقول عليه و اللى نفسى زايك ألاقيه , انصحك أنك تروح هناك يا كريم و خد نفس يملىء كل رئتيك بهواء جديد , يوم جديد , إنسان جديد
تحياتى لك

hassona said...

nice song kemo , i like it , and i think people think like that only if their feel blue in their own live , but i think live is not blue or sad as that , just look good in mirror to see what you have done , not to see your sadness in it , there are a movie for jack necklson , i like it i think its name is about someone... i do not remamber it now , but it look like that song , the batter shoot in that movie is the end when he feel that is life is so bad and he do nothing in that life , none will remamber him after his ding ,his daughter hate him his wife slept with someone also and hated him but he find that he make something good in his life that help child in africa that he all time of movie do not remamber him , so i thing if you looking good you will find that you have done good thing in it and it not blue at all , look .

دينا حامد said...

اعتقد اول مرة اعلق عندك
بس انا متابعه من زمان لمدونتك

ياريت الحاله اللي انت عايشها الفترة دي تنتهي على خير وكل واحد بيمر بوقت زي ده واصعب بس اكيد هنتغلب عليه بنفسنا مش بمساعده حد تاني

kareem azmy said...

الغالي باسيفك
شكرا لك على كلامك
بس بجد لسه مش لقيت المكان اللي كنت بحلم بيه

عموما انش اء الله الامور تنصلح
******

الغالي حسونة
متشكر على تعليقك
و هحاول افكر اشوف ايه الحاجات الكويسة اللي ممكن اكون عملتها

*****
الصديقة دينا حامد
شكرا لمتابعتك و لتعليقك الأول
و ان شاء الله ابقى كويس

دينا انتي ليكي مدونة ؟؟ البروفيل بتاعك مش موجود فيه مدونة

دينا حامد said...

كان عندي لكن حذفتها وباذن الله قريب هفتح واحده تانيه

Khairy said...

لم أكن أعلم يوما أن للمثليين أية معاناة نفسية، كنت أعتقد كما يعتقد مثلي الكثيرين أنه سلوك غير سوي بسبب التربية الخاطئة و كنت أحمد الله أننا تربينا بشكل يضمن خروجنا إلى المجتمع أسوياء و لكن للحقيقة كان لبعض المدونات مثل هذه المدونة كل الفضل نظرتي المسبقة للمثليين و بت أعتقد إنهم مثلهم مثل غيرهم لهم كل الحقوق في التعبير عن هويتهم و لكن يظل تأثير المجتمع و الأعراف الإجتماعية باقيا في نفسي حتى إني لا أتمنى أن يكون أخي أو إبني مثلي ، و هذا يصعب جدا تغييره في نفسي و لكن أقول لكل شخص إذا لم تكن مدافع عن حقوق المثليين بوصفها من ضمن الحقوق الأساسية للفرد فعلى الأقل أرجو ألا تكون سببا في زيادة معاناتهم .... تحياتي لك أخ كريم

kareem azmy said...

استاذ خيري
اشكرك لزيارتك و تعليقك

و اشكرك على كلماتك الرقيقة

سعيد بمعرفتك
تحياتي لك

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .