09 February 2007

بتحبني علشان بحبك ؟؟؟

حينما تعشق شخص اخر لابد لك ان تتاكد من اجابة هذا السؤال
هل هو يحبك لانك تحبه ؟


لان لو كان حبه لك رد فعل لحبك له فالافضل الا تكمل هذة العلاقة
و ذلك لان مقدار حبه لك متوقف على مقدار حبك له
اى انه بمقدار ما ستعطيه حب سوف يعطيك
دا طبعا يعني اذا كان حقاني و ليس اناني
بمعنى انه اذا قل حبك له في يوم من الايام سيقل حبه لك بالمقابل
و اذا غضبت منه مثلا لسبب ما او عاتبتة او حصل اى موقف مؤلم بينكما
توقع ان حبه لك سيقل او قد ينتهي


لان سبب وجود حبه انتهى و هو حبك له
حيث يجب عليك دائما ان تظهر حبك له حتي يستمر حبه لك
ممنوع الزعل ... ممنوع الخصام ... ممنوع الاعتراض
لان كل هذا يهدد حبه لك


لذلك فيجب علينا جميعا ان نسأل من نحب ذلك السؤال
انت بتحبني عشان انا بحبك ؟
و اتمني ان تكون اجاباتهم بالنفي
و ان يكون حبه لك لانك انت و انت بالذات
شخصيتك كلامك شكلك قلبك روحك كل شىء يحبك لكل ما تتصف به انت
و ليس رد فعل على حبك له
نعم يجب ان يكون الحب متبادل بين الطرفين
و لكن لا يجب ان يكون حب طرف منهما نتيجة لحب الطرف الاخر


و هذا ما حدث بيني انا و م.م
لذلك قررت ان انهي هذا الحب
لانى لا اريد انسان حبه لي رد فعل لحبي له


*****************

11 comments:

roro said...

موضوع جميل اوى يا كريم
فعلا لازم نعرف حقيقة حبنا للاخرين

ومع انى حزين لانك انفصلت مع حبيبك بس سعيد انك قدرت تاخد قرارك وتعرف انت عايز اية رغم كل الظروف

احييك عزيزى

أحمــــــــدبــــــــــلال said...

صديقى كريم

شكــــراً

أظن أنت عارف ليه

شكراً للمرة التانية

Dalia said...

صديقي كريم

صعب اوى ان الانسان يحس ان حد بيحبه لمجرد ان هو بيحبه

يعنى هو يحبنى لمجرد ان انا بحبه

احساس صعب اوى ... المفروض نتأكد ان الشخص اللى بيحب .. بيحب عشانك و بس مش عشان حبك ليه

kareem azmy said...

صديقي رورو :

شكرا متشكر لتعليقك و متشكر لمواساتك لية .. يا سيدي عادي

صديقي احمد بلال :

العفو طبعا انا عارف ليه

الصديقة الغالية داليا :

و التى هجرت عالم البلوجرز و اتمنى عودتها مرة ثانية
اشكرك على استمرارك لمتابعتي


كريم

LORD.M.M said...

مرحبا ..كريمو ..

صراحة ..الحب دائما سكون عرضيا مؤقتا

مرتبط بشهوة

متقلقل و متذبذب بسبب انه ليس طبيعيا

دعني اقول لك شيئا

الصداقة هنا اجمل من الحب لأنه ثابت و عمره مديد ..
جرب ان تحب للصداقة

اما انك تحبني لأني احبك ..فهاذا ليس حب ولا منطق

انا احبك لذاتك ..و انت تحبني لذاتي

نقطة ..انتهى ..

سلامي ..

Anonymous said...

بالرغم انى باتضايق لما اشوف حد زعلان ومتأثر كده
لكن صدقنى...كده احسن
على فكره...لينك المنتدى هابعتهولك على الميل وتبقى تقول
للى عاوز يحطه كمان
وماتزعلش

Anonymous said...

كريم
عمر حبى ليك كان نتاج حبك ليه لان انا فعلا بحبك جدا فوق ما تتخيل وللاسف انت مش حاسس بالحب ده لانك بتشك فيه بجد والدليل على كده كلامك معايه اخر مره حسيت ان انت معندكش ثقه فيه مع ان انت لازم يكون عندك ثقه فيه لانى مقلتلكش انى بحبك على طول بس قلتلك بعد اما فكرت فعلا فيك وحسيت انى بحبك جدا بجد علشان مظلمكش معايا وللاسف انت عندك شك فيه على طول ومعندكش ثقه فيه وعلشان كده انا مجتش يوم الجمعه لانى فعلا لغاية دلوقت حزين جدا من عدم ثقتك فيه

م.م

قصاقيص said...

معاك حق ياكريم
كارثة فعلا الحب اللي مش اكتر من رد فعل دة
بيبقي سهل اوى يختل او يختفي
زي معادلة موزونة لو طرف المعطايات اتغير اكيد النتيجه هتتغير تغير رهيب
مشكلة فعلا وانا عن نفسي واجهتها

خواطر مثليه said...

كريم بجد موضوع يجنن و فعلا انا ساعات كتير بفكر اللي معايا بتحبني عشان انا بحبها كرد فعل لحبي و اهتمامي بيها و لا عشان بتحبني انا لشخصي
و زي ماقلت عزيزي مقدار حبها ليا اللي هو رد فعل لحبي ليها حيعتمد علي مقدار حبي ليها لو جه قل في يوم حيقل برضو حبها
بس صدقني مع مساءل الحب كل حاجه بتتلخبط و انا بتكلم عن نفسي و مابقتش عارفه اللي قدامي بيحبني لشخصي و لا عشان انا بحبها عشان انا في الحب ببقي عبيطه موت و بهتم باللي معايا بشكل فظيع و في المقابل مش بلاقي نفس الاهتمام و حتي لما بتقول كلام حب مش بحس كتير بيه بس بوهم نفسي بده
انا عارفه ان ده مش صح و يمكن بدأت افوق من التوهان ده
المهم موضوعك شيق و بشكرك عليه و بحييكي علي كلامك
تحياتي الخاصه ليك عزيزي

hana said...

الحب مشاعر واحاسيس بتجمع بين قلبين
أحساس بينولد نتيجة أعجاب بشخصية الطرف الاخر
الحب فيه قوى خفية تشد وتجذب الارواح لبعضها وتجمع القلوب
هوة دة الحب حب روح لروح احساس مختلف
لكن الحب لمجرد أن الطرف الاخر يحب فقط ليس بحب
الحب أعلى بدرجات من ذلك
كريم
دمت بتألق
هنااا

Anonymous said...

عايزة اقولك كريم ان الاحساس بالحب شىء جميل بدون شروط كل ما هنالك ان الطرفين لازم يحسوا ببعض
خصوصا انه مينفعش طرف يحب والتانى مش حاسس بيه او مبيبادلوش الحب لكن سبب الحب ده كامن عند كل واحد بس الاساس فى الحب ان الاتنين يكونوا حاسين بنفس المشاعر بنفس التوقيت مش واحد يبدا والتانى لسه بيفكر يقوم لما يلاقى الطرف التانى بيحبه فيستجيب مجرد مجاملة... الا الحب مفيهوش مجاملة

رباب

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .