04 February 2007

و ها قد بدأت المواجهة

ذهبت امي اليوم لزيارة خالتي و عند عودتها دخلت حجرتي و قالت لي :

- خالتك كلمتنى عن بنت حلوة مخلصة كلية و هنروح النهاردة عندهم نشرب شاي ونتعرف بيهم و لو عجبتك نتكلم .

اجبت عليها و قد تعبت من كثرة الحوار في هذا الموضوع : انتي شوفتيها ؟ قالت : لاء ، بس خالتك بتقول انها حلوة قوي .

اجبت : خلاص روحى انتي شوفيها الاول .
قالت : لاء لازم تبقى معانا ، خالتك هتروح تقولهم اننا هنروح نزورهم بعد المغرب و تشوفها .

- يا ماما مينفعش و بعدين الجو النهاردة وحش قوي ، أجلي الموضوع ده ليوم تانى .
- لاء هو النهاردة .
- طيب خلاص مش رايح خالص . أنا مش هخرج م البيت في الجو الوحش ده .. و لو سمحتي سبينى لوحدي ورايا حاجات بعملها ع الكمبيوتر .
- مش ماشية إلا لما أعرف هنروح النهاردة و لا بكرة ؟
- يا ماما و لا النهاردة و لا بكرة .. مش هتطير يعنى العروسة

بإنفعال شديد قالت : انت فيه اية ؟ ولاد الجيران اللى أصغر منك اتجوزوا ، و الأصغر عمالين يقولوا لأهلهم انهم عايز يتجوزوا
و انت مش بتقول انك عاوز تتجوز .. انت مرة ؟
( مرة تعني امرأة باللغة المصرية العامية )

شعرت بقلبي ينقبض و كان خنجر غرس في ظهري . لم استطع الاجابة أو الرد عليها. و لكني اجبت عليها : قولي لخالتي اننا هنروح نزورهم يوم الثلاثاء .

و طلبت منها الخروج من الحجرة و جلست وحدي أبكي امام شاشة الكمبيوتر . تتقاذفني مشاعر النقص و الضعف و الغضب و الرغبة في الاختفاء من هذا العالم الذي لا أنتمي اليه او الذدهاب إلى مكان بعيد أحيى به وحيداً .

و ها قد بدأت المشاكل و بدأت المواجهة . أيها العالم لا أريد سوي أن أحيى تلك السنوات المقدرة لي هنا ، لم اطلب غير حقي في الحياة .

طوال حياتي منذ ان ادركت انى مختلف اخشي تلك اللحظة .. طوال حياتي اتمني عدم المواجهة .. طوال حياتي تمنيت ان ابتعد عن هنا خوفاً من تلك المواجهة .

فكرت جدياً ان ابتعد عن هنا لكني لم أنجح ، كل محاولاتي كانت فاشلة .. تمنيت ان أجد أي عمل في أي مكان بعيد حتى لا أتعرض لتلك المواجهة .. لكني لم أنجح .

لا أدري كيف ستكون حياتي في الأيام القادمة ؟!


19 comments:

Anonymous said...

معلش يا كيمو
بجد مش عارفه اقولك ايه
موقف وحش جدا جدا وعمرى ما أحب لأى حد يتحط فيه
انا قلتلك قبل كده اتحجج بالظروف الماديه.. ماحدش هايقدر يقولك حاجه
مش عارفه لحد امتى
لكن كل اللى باقولهولك..اصبر..اكيد الفرج قريب..وربنا معاك

أحمــــــــدبــــــــــلال said...

ده شئ منتظر حدوثه من بدرى
المشكلة لما حد يجرحك من غير ما يقصد
أن طبعاً مش مبسوط بميولك بس موافق على حريتك الشخصية
المهم و الاهم
أنك ماتتجوزش واحدة و تظلمها معاك
من حقها هى كمان لما تتجوز يكون واحد بيميل ليها و راغب فيها
لأنك كده عمرك ما هاتميل ليها
بالرغم من أن المثليين ملتزمين فى واجباتهم الزوجية جداً فى حالة أنهم أتجوزوا
حسب ما قرأت فى مواقع بتتكلم على الموضوع ده
الشكوى الوحيدة بتبقى من الزوجة أن أحساسها بأن زوجها مش راغب فيها لما بيمارس معاها الحب
زى ما تقول تأدية واجب

حاول تمتنع بأى شكل
ماتظلمهاش
أرجوك

مـحـمـد مـفـيـد said...

لازم الجواز ده يجي منك انت مش منهم
اصمد واصبر واكيد لازم تقيم عليهم الحجه وسيبك م نالكلام
مش تبكي لازم تفوق وتشوف انت عايز ايه

Dalia said...

فعلا يا كريم دى اصعب مواجهه

Anonymous said...

dear kimo
i feel so sorry for you and i really don't know what to say...you can go to meet this bride then you can say any thing you don't like about her..invent a thing...
or you can tell your mom you can't get marry coz of money that you can't handel a wife or kids now
or tell her that you find out that you have a disease can't make get marry ever
any thing till she give up
ma tezlmsh nafsk w ma tezlemsh el bnt m3ak mn 3'er znb
rabna m3ak w yhdek lly feh el 7'er
some one

إنسان said...

نفس المشكلة اللى وقعت فيها من ست شهور ومازالت أعانى منها ، ولكن من الممكن أنك تجيبها واحدة واحدة ، أنا بالرغم أن أهلى عملوا معاى كده برضه لدرجة أن أمى شكت فى وقالت لى أنت مالكش فى الجواز ولا آيه ، وبالرغم من أن الفترة اللى فاتت دى كانت المشكلة فى أوج تعقدها الأ ، اننى شعرت فى اليومان الأخريين انهم ممكن ينسوا ويسبونى على راحتى بأقول ممكن لكن مش أكيد ، بس ربنا يستر وصلى وقرب من ربنا وفى مقولة تقول ، كلما ضاقت حلقاتها فرجت

roro said...

عزيزى كريم لقد وضعت يدى على قلبى وانا اقرا موضوعك لقد مسستنا جميعا بتلك الكلمات فنحن مثلا نؤجل دائما الحديث فى هذا الامر ولكنة ياتى فى النهاية رغما عنا فقط ارجوك ان لا تقدم على الزواج وانت مضطر حتى لا تظلم انسانة بريئة معك


تحياتى عزيزى

Egyptos said...

هون عليك ؛و بالتأكيد ستجد الطريقة اللى تخلص فيها من الموضوع؛ و بالتأكيد والدتك لا تقصد إهانتك هى بس بتحاول تستفزك عشان تسمع كلامها؛ لكن برضه حتى لو كانت لديكالرغبة اوعى تتجوز عشان المجتمع أو عشان الهل عايزين كدة؛ و ده عن تجربة

kareem azmy said...

اصدقائي

اشكركم على مشاركتكم لية و خصوصا في البوست ده
لانى فعلا كنت حزين جدا و كنت محتاج احس ان حد جنبي
عموما بكرة هنروح نزور البنت ... للاسف ماما شافتها النهاردة و عمالة تقولي دي جميلة و مش عارف اية

ادعولي يا جماعة

شكرا ل وينكي و احمد بلال و محمد مفيد و داليا و سمون اتمني انى اعرفك يا سمون
و شكرا لنحو حياة افضل لاتصالة بية النهاردة و كمان عبير شكرا ليكي كمان كلمتنى النهاردة
و شكرا لرورو صاحب العالم الافتراضي
و كمان ايجبتوس بجد متشكر على كلامك
يا ريت تبقي تحكيلى عن التجربة اللى انت قولت عليها مش لازم ع المدونة ابعتها و انا مش هنشرها لو دي رغبتك

شكرا ليكم يا جماعة

كريم

Anonymous said...

ماتخاف وخليك طبيعي ممكن خير لك انك تتزوج حاول ؟
انت الان تعبان

Anonymous said...

My advice to you ..emotional and financial independence.as long as u live attached to ur family u will face many situations like that.let those bad moments be ur motive 2 achieve somthin in ur life..get a job..get ur own small place 2 live.i been checking many gay bloggs lately..i just found about u guys very recently...one word after reading many pages...ENOUGH CRYIN!..lets fight our way outta here..and i dont mean outta egypt ..no ..outta this typical middle eastern concept..u can be on ur own and they will eventually stop buggin ya as long as u take care of urself and pay ur own rent....i pray 4 and pray 4 all of ppl like us...take care:)

kareem azmy said...

اخر الاخبار يا جماعة

ماما و خالتو فشلوا في تحديد معاد لزيارة العروسة لان فية حد في العيلة عندها مريض و الوقت غير مناسب لهذة الزيارات

كريم

BaSsMa said...

واضح انك مش معترض على الزواج
يبقى ليه متجربش لو انت مش عاوز كنت رفضت بشدة وفي ناس كثير قاعدين من غير جواز وماحدش بيقولهم ليه خوفك واحساسك بالذنب هو لي مخليك معتقد انهم شاكين فيك
انت لازم تحاول تبقى انسان طبيعي
اكيد دي حاجة في ايديك ساعات الواحد بيتهيألو انه مجبور على رغباته بس الحقيقة لا ربنا خلق كل واحد له دوره في الحياة الراجل عشان يبقى راجل ويميل للست والست عشان تبقى ست وتميل للراجل
تأكد ان مفيش حد بيحبك حقيقي يتمنى لك انك تفضل بالحالة دي

جبهة التهييس الشعبية said...

مش عارفة اقول لك ايه يا اخ كريم

فعلا اتأثرت بكلامك

وخايفة اقول لك ادي نفسك فرصه مع البنت دي اكون باظلم البنت نفسها

مش عارفة اقول لك ايه

ليه ما تحاولش

بجد ليه؟

خواطر مثليه said...

اوعي تضعف ياكريم و تتجوز البنت
طالما انت عارف انت ايه و عايز ايه يبقي ماتخليش اي ضغوط تمارس عليك
انا بنت و مليه و ياما اهلي مارسوا عليا ضغوط و في الاخر استسلموا اني ماليش في الجواز طبعا هما مش عارفين اني مثليه بس انا قلتلهم اني ماليش في الجواز و السمؤليه اوعي تضعف ياكريم
ربنا معاك

Anonymous said...

The solution is simple: Tell her you are IMPOTENT,,,,you can not make sex at all and you asked doctors and told you that your case is hopless!

Egyptian Gay said...

ummm
you know .. i think the sex ID is not the only reason ..we're as gays do not ignoring the marriage for many reasons .. our point of view is deff about family, kids and life ..
never do agree kareem .. NEVER ..
regards..

Anonymous said...

الاخ كريم : انا حاسس بنفس احساسك بس كون ظروفي المادية صعبة وانا اعمل في دولة بعيد عن اهلي مرتاح شوية وعايش قصة حب مع رجل بحبه ومن قلبي اتمنالك التوفيق ....بصراحة الموقف صعب
تحياتي للجميع

Anonymous said...

موقف لاتحسد او لانجسد نحن المثليين عليه حين تأتي لحظة المواجهة من قبل الاهل حين ينتظروا الفرحة من الابن الذي لطالما حلموا بزفافه وانتظار اولاده
كريم هذا الموقف لا يخفي علي الجميع انه كارثة ليس لك وحدك بل لمن خاب ظنهم بنا ممن كانو يحيون بالامل بنا لكن ليس ذنبك او ذنبناولاذنب المسكينة التي قد ترتبط بشخص قد لايطيق النظر اليها ولا تجذبه حتي ابتسامة من وجه يراه الجميع الاجمل ونراه غريب علينا
لكن ان نظل هكذا مسألة صعبة علينا قبل ان تكون عبء او هم لاهلنا
كن قويااااا

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .