https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

01 May 2007

و ما زال مستحيل

دي كل المسدج اللى بعتهالي (أ.ل)و اللى كنت كتبت عنه
على الرغم من انه مستحيل
قولت ادون هنا كل المسدج بتاعته


و لكنه ما زال مستحيل

**************

25 مارس 2007
يا مساء الحنية و الملاغيه
و بوسة هدية لحبيبي و نور عنيه
____________
25 مارس 2007
عايز نص حبك
و نص قلبك .. و نص طبتك
و نص أدبك .. و نص جنيه حق الرسالة
____________
25 مارس 2007
فجاة و بدون احساس
بين صمت و اندهاش
نطق قلبي و قال وحشتني
____________
27 مارس 2007
يا عنقود عنب يا توت
يا أغلى من الياقوت
يا قمر مصر و فاكهة بيروت
وحشتنى موت
____________
29 مارس 2007
اعذرني الأيام دي بتأخر في الشغل
واحشني قوي
_____________
10 ابريل 2007
معنى كلمة احبك
أ = أموت فيك
ح = حبي انت
ب = بغير عليك
ك = كل عمري لك
_____________
10 ابريل 2007
خمسة مشتاقين لك
عقلي .. قلبي .. روحي .. عيني .. و أنا
_____________
13 ابريل 2007
واحشني أوي و نفسي أتكلم معاك
يا عصفوري ذو العيون الحزينة الحائرة
_____________
14 ابريل 2007
القلب لك بينادي و الروح بعدك سراب
كل الوجوه تغيب عادي و انت غيابك عذاب
_____________
14 ابريل 2007
هوصي القمر ينور لك سكتك
يمكن تبطل قسوتك و تفتكر ان لك واحد
وحشاه رنتك
_____________
17 ابريل 2007
اوعى تقول كده تانى
سلامتك الف سلامة
واحشني كلامنا سوا يا كوكو
_____________
24 ابريل 2007
وحشني 55%
مشتاقلك 75%
أموت فيك 85%
عايز أشوفك 99%
علشان اقولك
100 احبك %
_____________
30 ابريل 2007
وينك يا أحلي ملاك غبت و الضحكة معاك
أتعس أيامي بعادك و أحلي أيامي لقاك
____________
1 مايو 2007
الساعه 3:30 ص
لو سمحت أهلي طردوني
ممكن اسكن النهاردة في قلبك ؟؟

*****************



16 comments:

Anonymous said...

أة يألم كبدى
كنت فكرك رحت عنى

بس باين انك قدرى

نــور

Anonymous said...

بسم الله الرحمن الرحيم
السلام عليكم
الاسم :حبيب الروح
عزيزي كريم
مبارك عليك المسجات
كلهن روئعة
كلهن احساس ومشاعر دافىء
كلهن حب واجمل احساس
والاقوى من ذلك هذا اللحن
الي بقالي شهرين ببحث عنة لاعرف من وين المصدر
دى اللحن سمعتة اول مرة
من قناة الجرس ببرنامج "ما بعرف" مع رلى
بتمنى منك تبعتلي رابط اللحن لاني بحبة
وهو يوصف حالتي النفسية
لانة حياتي كاللحن الحزين الشجي
وكان اللحن يمثل
انسان ممزق ومنهك ومكتأب ومليىء بجروح الزمان وهو يحاول المشي قدم والنسيان
استحلفك بالله
تبعثلي اللحن
*
*
ع فكرة بعثتلك رسالة ع البريد الاكتروني وبنتظر الرد بس ممكن ما وصلت اتمنى تردي جواب بالموضوع لاعرف وينحالي بالزبط
ودمت سالم معافا
السلام عليكم

Anonymous said...

هااااااااااااي كريم
لم اكن اعرف انو احساسك رقيق
مع انك في يوم ظلمتني من غير ما تفهمني
و جرحتني من غير ما تعرفني
واكيد مش رح تتذكرني
لكن انا قلبي كبير وسامحتك

هذه حقيقة مش خيال

سلام ghost

kareem said...

هاى نور

اهلا بيكي و بتعليقك اللى مش فهمتة

بس واضح ان كله يغنى على ليلاه

شكرا ليكي

الاخ حبيبي الروح
الله يبارك فيك بس واضح انك مفهمتش البوست قوي
اما عن ايميلك لم يصلني شىء ابعث لي بايميلك و انا سوف ابعث لك بلنك اللحن

اما العزيز ghost
فبجد انا مش فاهم أى حاجه و فعلا مش فاكر حاجه و يا ريت تبعت بالتفاصيل و انا مش بظلم حد و لا بجرح حد و خصوصا لو فعلا معرفكش

بس عموما هو رد فعلي اللى لو قابلت حد ع النت و لقيته اني مش هقدر اتعامل معاه و انه مش فاهمنى و انه من النوعية العنيفة فاكيد انا ببعد عنه و مش بكلمة
لو كان ده رد فعلي معاك فأكيد انت مش فهمتنى او اننا اختلفنا في المبادىء و اهمها انى مش عامل المدونة او بكلم الناس بحثا عن الجنس

و عموما متشكر انك فهمت ان احساسي رقيق .... و متشكر انك سامحتنى

منتظر تفاصيل كلامك ... ابعته ف تعليق و انا مش هنشرة

Anonymous said...

كريم حاسةان انا وانت شخص واحد
بنعيش نفس الحياة حتى التجارب هى نفسها او قريبة اوى من تجاربى فى الحب
بتنتهى دايما بلوحدة
انهاردة انا كمان كنت بقراء رسايل حبيبتى وما قدرت اسيطر على احساسى بلالم
وغصبا عنى استمر يجرحنى

اكتشفت بعد وقت طويل انى بعيش قصة حب من طرف واحد
ودية مش اول ضربة قاسية اخدها فى الحب
حاسة انى وحيدة اوى نفسى اصرخ نفسى ابكى نفسى افضفض لحد عن الية جويا بس مش لاقية حد ممكن يفهمنى ياويلى لو حد من اهلى او اصحابى عرف انى مثلية
حتكون فضيحة ومصيبة
الدنيا ضيقة اوى عليا
بس مالقتش حد اكلمة غيرك يمكن لانك زى
نــور

kareem said...

الغالية نور

اشكرك على ثقتك الغالية
واحساسك بقربي منك او اننا نحيى نفس الظروف و الحياة و التجارب

اتمنى ان اكون صديق وفي ليكى و ان استطيع ان اساعدك و ان اخفف عنكي قليلا

سعدت بمعرفتك و في انتظار لقائك لتبادل الحوار
و ربنا يحميكي و يسترك

صديقك كريم

SeeFoOoOo said...

حبيبى كريم
يا مسجاتك يا عم
والله انا عاوزك تحمد ربنا ان فى حد فاكرك بيبعتلك مسجات
وانا مش بحسدك لا والله
انا بس حبيت اقولك انى محدش بيفتكرنى خالص
عادى
المهم
اجمل ما فى البوست موسيقى
secret love
انا بحبها اوى اوى

كريم

تحياتى

Anonymous said...

الله يسامحك
يعني انا في رايك ممكن اكون من النوعية العنيفة او عاجز عن تفهم الاخرين او حتى اسوء; وحش جنسي يبحث عن المتعة

صدقني العنف ليس من صفاتي وليس اسلوبي في التعامل اما عن تفهم الاخرين اظن انه لا يوجد اقدر من اشخاص يعيشون نفس الواقع ويتجرعون نفس المعاناة و يكبتون نفس المشاعر و هم جميعا ابطال لتمثيلية على مسرح الحياة عنوانها"انا طبيعي" على تفهم بعضهم البعض
اما الجنس فلم يكن ابدا هدفي او مبدا من مبادئي خصوصا اني اعيش في بلد وانت في بلد وبينا اكتر من بلد.......يمكن تقصد جنس عن بعد؟؟؟ ههههههه

لا تسالني عن تفاصيل لاني قد اكون مبالغ فيها لاني انسان حساس كتير لكن ممكن نفتح مشروع صداقة جديد وانا رح اتابع مدونتك يمكن اعرفك اكتر و رح اترك تعليقاتي يمكن منها انت تعرفني اكثر

وخليني الشبح اللي ساكن مدونتك .واتمنى اني اكون شبح ظريف دمه خفيف ( يعني ما يخوف) ghost

kareem said...

هههههههههههههههههه
والله دمك خفيف يا عم جوست
و عموما اهلا بيك صديقا جديدا و ننسى الماضي
بس بليز بلاش شغل العفاريت ف المدونة علشان اصحابي و كده و انا كمان بخاف جدا

و لا اقولك انا هزود الاضأءة شوية ف المدونة لمبتين تلاتة كمان يخلوا الدار امان قصدي المدونة امان
هههههههههههههه

صديقي الغالي سيف
سعدت بزيارتك و يا سيدي لو مش لاقي حد يبعتلك مسدج ابعتلي رقمك و انا اضبطك و يا رب تكون كويس دلوقتي

المشكلة مش ف المسدج نفسها المشكلة ف الحب
و طبعا الموسيقي مقصوده فعلا

شكرا ليك

Anonymous said...

هههههههههههه
شكرا على الاطراء

اما شغل العفاريت فلا تخاف فانا طردت من العمل لاني ما اخوف اي احد
ههههههههه

اما اذا حبيت تزود الاضاءة مش رح تفرق معي لاني شبح يطلع بالنهار مش باليل هههههههه

ghost

مصطفى محمود said...

مسجات حلوة يا كريم ...جميل ان فية حد بيحبك كدة ...ربنا يسعدكوا .

تحياتى

A/kader_y...! said...

رسائل رائعة
انت اصلا تستحق اكثر من ذلك
على فكرة الموسيقى اثرت في كثيرا
زرت مودونتك مرات ومرات لاستمع لها
تنم عن شخص حساس جدا
على فكرة شكرا لكلامك الجميل حول حكايتي السجين و الله كلام مشجع ويبعث على الامل
اريد ان اعتذر لك لاني لن اعيد كتابة الحكاية كما طلبت لسبب وحيد ان دكرت كل تفاصيلها المهمة ، ربما اختصرت وصف المشاعر و سرّعت الاحداث بطريقة لا تليق بالحكاية .... فان اعدتها فستبدو كترارا ممل رغم التفاصيل الجديدة وهي احداث ثانوية بالضرورة
لهذا ارجو ان لا تغضب مني
اعدك اني ساكتب غيرها من القصص
تقبل تحياتي الخالصة
و جعل الله ايامك كلها حبا وسعادة

momo said...

ازيك يا كريم
بجد مدونتك اكتر من رائعة
ويا رب مايبقاش مستحيل انشاء الله

"Gay Boy" Weekly said...

هاي كريم

اولا شكرا على زيارتك الحلوة لمدونتي
...........

مسجات حلوة يا كريم :)
................

كنت اقرا في مواضيعك، عندك بوست حلو عن الفرق بين الشيميل والمثلي، حلو انك كتبت عن هالموضوع ووضحت الفرق، للاسف ناس متخلفين كثير يعتقدوا انه كل مثلي لازم يكون انثوي بشكل ما... ولازم الناس كلها تعرف الفرق

تحياتي ليك

نيفين عمر said...

اهلا بك وشرفت بزيارة مدونتك الجميله
انا اسمى نيفين عمر ولى الشرف فى إدارة مدونة الاديب الطبيب علاء الاسوانى
بمعرفتة وموافقته طبعا
وهى خاصه بكل كتاباته سواء مايكتبه كمقالات سياسيه فى جريدتى العربى الناصرى او الكرامة شهريا
او مايكتب حول اعماله ورواياته
وهو يطلع على كل من يشرفنا فى مدونتة ويسجل كلماته وكذلك يقوم بالرد بنفسه على من يريد التحاور معه
اتمنى ان اكون قد اجبتك ويسعدنى زيارتك وشكرا لك
نيفين عمر

Anonymous said...

All massages are discussting,,,this person does not love you at all ,,,he only makes fun of you!
ranaamir82@yahoo.com

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .