https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

20 September 2014

يبقى اسمك إتجوزت


- لسه مالقيتش واحدة زميلتك ولا حاجة تتجوزها؟ اللي أصغر منك إتجوزوا ومعاهم عيل وإثنين

لم أجيبها وتركتها صامتاً ودخلت غرفتي .. تمددت على سريري، أكمل قراءتي في كتابي .. جاءت خلفي .

- إنت مش بترد عليا ليه ؟
- لو سمحتي ياماما متكلمينيش في الموضوع تاني
- يا واد أنا عايزة أفرح بيك
- هو إنتي اللي هتتجوزي ولا أنا
- لا إنت
- خلاص لما أحب أتجوز هتجوز
- أه يبقى زي الناس ما بيقولوا إنك مالكش في النسوان .

لم أرفع عيني عن كتابي .. لم أصرخ في وجهها كالعادة .. لكن الدماء صعدت إلى عقلي الذي أصبح يغلي من الغضب والحزن .. أريد أن أصرخ في كل العالم «إتركوني في حالي» .. لكنها نهضت وخرجت من الغرفة عندما لم أجيب عليها .. ألقيت الكتاب بجواري وأخذت أحاول أن أخفف من حدة الغضب والحزن الذي يملاء صدري عن طريق إستنشاق أكبر كم من الهواء .. أغمض عيني وأتوسل إلى الله أن يرحمني من هذا العذاب الذي أحياه كل يوم .

بعد مدة وجدتها بجواري مرة ثانية في حجرتي تبكي .. وتسألني :

- أعملك شاي معايا ؟
- لاء شكراً

تمسح دموعها وتقول لي :

- الشهر الجاي هدي لك 10 ألاف جنية .. إتجوز أي واحدة من أي حتة .. وبعدين طلقها .. يبقى اسمك إتجوزت .

لا أجيب عليها .. تكرر كلامها للمرة الثانية وهي تبكي ولا أجيب عليها .. تنهض متجهة نحو المطبخ لإعداد كوبين من الشاي .


4 comments:

Anonymous said...

من زمن طويل وأنا قارئ لمدونتك الرائعة. كتاباتك حلوة وأسلوبك جميل. لكن ما قرأته اليوم أحزنني جدا. حزنت لك لأنني مثلك - رجل بلا ميول جنسية للنساء - ووجدت قطعا منّي في كتاباتك ورواياتك. وحزنتك لأمك ... لأنها أمك وما تراه هي كمَخرج أمر صعب إن ما كان مستحيلا. سأدعو لكما - اللهم يسّر على كريم وأمه. اللهم ساعدهما في هذه الحياة الدنيا وفي الآخرة. اللهم خفف عنهما همّهما و آلامهما ويسّر عليهما ولا تعسّر. إنك أنت الودود الغفور.
<3
شكرا... لمشاركتنا يوميّاتك

G or M said...

الموضوع دا مهم فعلا
هل اتجوز وانفى عن نفسى تهمة حب الرجال
ولا امشى ولا قلبى وميولى وارفض الزواج واتحمل كل التلميحات الى ممكن توصل لحد الأهانة ومن اقرب الناس فيا
بجد الاختيار صعب
لكن الأهم ان تهمة الشذوذ لو طلعت على بتمسنى شخصيا واهلى معايا
تفتكر يا كريم والدتك طلبت منك كدا ليه ؟
يمكن عشان مش عايزة تسمع من اى حد كلام وحش عليك
او يمكن لانها مش قادرة تكلم اى حد لانهم هيكلموها عنك
كل الى عايز اقوله فكر فى ولدتك واهلك.....

Anonymous said...

لقد حزنت كثيرا لما قرات الله يعنكون واسلوبك بالتعبير بجنن اتمنى ان تحل مشكلتك ولكن لما ﻻتفكر بالسفر

momen ahmed said...

ألم..وجع

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .