أحلى فالانتين .. لكل الناس

النهاردة عيد الحب ، كل سنة و انتوا طيبين ، من اسبوعين تقريباً كنت بقول ان ده هيكون أول عيد حب يمر عليا و انا سعيد ، علشان المفروض كان هيكون معاية حبيب ، بس بعد اسبوع تقريباً العلاقة تنتهي يحصل انفصال بيني و بين الحد اللى كنت متخيل انه هيكون معاية ، و طبعاً المفروض اني مش مرتبط حالياً ، بس أنا النهاردة ، مش النهاردة بس ، من كام يوم و أنا سعيد جداً ، لاني اكتشفت ان حوليا ناس كتير بحبهم ، يمكن مش كنت واخد بالي و كنت متخيل ان مشاعري لازم تروح بس للحبيب ، بس خلاص فهمت اننا ممكن نحب بشكل تاني و نعبر عن مشاعرنا لكل اللى بنحبهم ، أهل و اصدقاء و زمايل و لما عملت كده حسيت اني مش وحيد و و اني سعيد كمان

علشان كده النهاردة أنا بحتفل بأول عيد حب في حياتي و هعبر عن حبي لكل الناس اللى بحبها ، و عذراً لو نسيت حد من الأصدقاء و هقول هابي فلانتين لكل الناس و هكتب بعض التهاني هنا لبعض الأصدقاء

*************


نونا الغالية
انا بعشقك
و ربنا يخليكي ليا و ميحرمنيش منك
يا رب تبقى اسعد حد ف العالم
و عيد الحب ده يبقى بداية أحلي قصة حب في العالم


دعاء
انا بحبك جداً
حمد لله على سلامتك و نفسي اشوف النونو القمر
علشان تلعب مع خالو كريم



حسام
انا بحبك
و مش هعاند الطبيعة ، انا بحبك بالفطرة هههه
و هقبلك قريب متقلقش


عبير القاهرة
انا بحبك قوي
و ان شاء الله تلاقي حد يستاهلك و يستحق قلبك الطيب



اسلام القاهرة
انا بحبك
و يا رب تستقر على اللى انت بتتمناه



وينكي الغالية
انا بحبك
و هتفضلي غالية على قلبي يا صديقتي الأولى



داليا القاهرة
انا بحبك
و ربنا يسعدك و تلاقي الحب
و نفسي اقابلك و اكل اكل صيني من ايديكي هههه



ايساف
انا بحبك
صحيح انت بعدت عني بس فعلا انت واحشني
وواحشني صوتك الجميل


ا.ل
انا بحبك جداً
و هتفضل حلمي المستحيل
و بجد كرهت كل موازين العالم بسببك
هههههههههه
و شكلك كده مش بتيجي بالذوق انت فاهمني طبعاً ههههه


جو امريكا
انا بحبك بجد
على الرغم انك بعدت عني الا اني لسه فاكرك
و مقدرش انساك و هتفضل غالي عليا



توتي
انا بحبك
و يا رب تستقر و تلاقي سعادتك
و بجد واحشني و نفسي اشوفك بعد التعديلات


تامر
انا بحبك
على رغم اللى حصل بس هنفضل اصدقاء
و اتمنى انك تتخلص من حبك الكبير لنفسك



احمد صلاح
بحبك
يا واد يا ابو صوت جميل انت
انا في انتظار شريط الكاست اللى بصوتك هههه


نور الاسكندرية
بحبك
و يا رب تقضي احلى عيد حب
و سلملي ع اللى بالي بالك


عمو ابو عمر بيدو
انا بحبك
و اتمني لك السعادة اللي تتمناها
و لك النصيب الاكبر من قلبي
اعتبرني زي عمر لو ده مش يضايقك



ايمن ميت غمر
بحبك
عارف انك غريب و مش بتعترف بعيد الحب
بس ياله بقى عادي


م.م
بحبك
و اتمني انك تكون بخير و سعادة
و اتمني اشوفك قريب



ي .م القاهرة
انا بحبك
عارف انك وحيد بس بتمنالك السعادة
او اعمل زيي حب كل الناس


م . ح
انا بحبك
و اتمني انك تكون اسعد حد ف العالم
و نفسي تكتبلي عن تجربتك ، يمكن اعمل زيك



هارت بيت و اجندا حمرا
بحبكم جداً
و يا رب تبقوا مع بعض ديماً و تكون اسعد كابل في العالم
و اتمني انى انا و حبيب المستقبل نقابلكم سواً


الغالي محمد من الأردن
بحبك
و يا رب تلاقي الحب الحقيقي
و اتمنى اشوفك ف مصر و ربنا يوفقك ف دراستك


اصدقائي ع الفيس بوك
مؤمن و ماجد و حمادة و ياسر
بحبكوا جدا


اصدقائي الجدد اللى لسه بتعرف بيهم
و كل قراء مدونتي
و أي حد بيدخل مدونتي و يقرالي بدون اى اتصال معايا او تعليق
بحبكم و متشكر ليكم كلكم
و أتمني تقضوا يوم جميل
و تحسوا بالحب حتى لو مش كان معاكم حبيب دلوقتي
المهم يكون الحب موجود و حاسين بيه
و تتحقق كل امنياتكم


حمل اغنية الدنيا حلوة .. نانسي عجرم