نهايات غير حميدة

حينما يزداد الحب وتزداد الغيرة، يجب علينا أن نكون حريصين في تصرفاتنا مع من نحب؛ حتى لا نسمح لهذه الغيرة بأن تتحول إلى شك، وقتها ستبدأ المشكلات الكبيرة، تلك التي غالباً ما تبدأ بأسباب أو خلافات بسيطة يمكن تداركها من البداية، ولكن إذا دخل العناد فإن الأمور سوف تتفاقم وتنتهي نهايات غير حميدة.

 

• أنت فين؟
• عند جارنا الجديد.
• وبتعمل إيه عنده؟
• عزمَني على شاي.. أكسفه يعني؟
• أيوه تكسفه.. تعتذر له.. تقول له أي سبب، المهم ماتدخلش عنده.. أنا مش طلبت منك إنك ماتدخلش عنده قبل كده؟ وعلاقتك بيه تكون مجرد جيران وبس؟
• أنت مش من حقك تقولي أكلم مين ومكلمش مين!
• إزاي مش من حقي؟ طيب قولي هو عايز منك إيه؟ أو أنت عاوز منه إيه؟ لا هو صاحبك ولا من سنك ولا أنت محتاج أصدقاء.. يبقى تدخل عنده ليه؟ خصوصاً إنه عايش لوحده.

تيت.. تيت.. تيت.. انتهت المكالمة.

 

يحاول الاتصال به مجدداً.. لا يجيب.. تبدأ الشكوك والظنون تملأ عقله وتكاد تفتك به.. يرسل له رسالة يخبره أنه يشك به.. بعد مضي وقت طويل.. يتصل هو به، غاضباً مما جاءه في الرسالة، ويتهمه بالجنون وانعدام الثقة بالنفس.