https://www.google.com/contributor/welcome/?utm_source=publisher&utm_medium=banner&utm_campaign=pub-1092433220212569

14 August 2008

هاكاتاه


كتب هذه الكلمات .. تامر سعيد
في يوم من الأيام تعبيراً عن حبه لي
مع تعديل بعض الكلمات القليلة .
تم نشر هذه الكلمات هنا لتسجيل ذكرى مضت .
*******

هاكاتاه .. يا من احببت
هاكاتاه .. افكر فيك طوال الوقت
هاكاتاه .. بعيداً عن سياط الجلادين
وسيوف النقد
هاكاتاه لأنك أنت
من ولدتني رجلاً
من شرنقة الموت
و أخرجت الأشعار مني
رغم أنفي
رغم الصمت

إن كنت احببتني
سأكون لك
مِلكك .. و مَلِكك
كإسمك .. و قدرك
فأنت عفريت تلبسني
لن يخرجك من جسدي الطبل
ولا الهرج و لا المرج
ولا أي صوت

فإن لم تفعل يا صديقي
فسألقي على حبك الزيت
و اشعل فيه نار المقت
عساه يحترق
و إن كنت اعلم
أن حبك كإبراهيم
كالعنقاء
لا تمسهما النار بسوء
و لا يحرقه النفط
بل حبك كحطب جهنم
لا يهدأ غليانه أبداً
بل يشتد

هاكاتاه .. هي كل كلام الحب
لا تصف حبي لك
و هل يوصف القصر بالبيت؟

غداً سأكف عن حبك
و هذا مرهون بشرط
أن يمر أسد ضاحك
خلال ثقب الإبرة
كما يمر الخيط
خلاصة القول :
اني احبك يا هذا
كما أحب بيتهوفن موسيقاه
كما يعشق المصريون الموت

*****

و أعوذ بحبي من الحقد الدفين
و استعيذ بنظافة اللسان من شتائم بعض المدونين
احنا و الله ولاد ناس و محترمين
بسم الله - الذي يكره المثليين
هاكاتاه

إن هذا إلا عشق مبين
عشقي أنا لرجل له قلب من معدن ثمين
و ما هو بسمين
و لايشبه ثمرة اليقطين
و إن كان يبدو كطائر الليل الحزين
قابلته مرتين
و ان شعرت اني أعرفه من سنين
و إليه دوما يجرفني الحنين


فلا اقسم بالحنين
و لا اقسم بشوق المحبين
ان حبيبي لمسكين
و انه يبحث عني منذ سنين
فما ارتاح باله أبداً
و ضيع وقته بدداً
و شغله البحث عن الدنيا فما أعد لها العدة
و كان بإمكانه ركوب المازدا
و لم يكن لي في معاناته يداً
فقد كنت طفلاً لم اشب بعد
و لو علمت الغيب لزوجت ابي لأمي من مدة
لينجبوني مبكراً سنينا عدة


و لكن لا بأس بالآن اني احبه بشدة
و إنا لنبني معاً جسور الحب و المودة
و حبنا هادئ دافئ و طري كالزبدة
فلا اقسم بالقشدة
إنك بنيت بيني و بين الحيرة سداً
و جعلت ساعات يومي كلها هناء و سعداً


فبئست الشياطين
و ما أدراك من زعيم الشياطين
انه إبليس اللعين
و انه يوسوس للناس أن الحب في علَيين
و إنما الحب في الارضين
و لكنه في مخبأ أمين
ولا يمنح إلا للمتقين
الذين يؤمنون بالحب و يوم الفالانتين
و إنا من ذلك لمتأكدين
و على التمسك به لعازمين
فيكون من حبنا ذكرى تنفع الأخرين
و ما نحن بمستهزئين

*****

و حبي الكبير
و الصباح الجميل
و مساءات الصيف
ما نسيتك لحظة
و ما راح من خيالي طيفك
و ما ذاكرت حرفا بالمرة

و لرؤياك خير لي من القهوة
و الشاي و الكوكاكولا
و كل مشروبات العرب
و خمور السوق الحرة

و لسوف اعطيك من حبي
حتى تطمئن و ترضى
فينكشف لي حبك
او اصبح من المرضى

ألم تجدني وحيداً فآويتني؟
ووجدتني ضالاً فهديتني

فأرجوك لا تقهرني
و كن كما أنت كريماً
بأحضانك

و اني لأسألك المزيد من الحب
فأرجوك لا تنهرني
و افتح لي أبواب رحمتك
و اغدق علي من جنانك

فإذا سألوك عني فحدث
و قل أنعم علي و عشقني
واسجد لي
و ارض غروري
و افقد كل كبريائك
ثم انهض
و امنحني مزيدا من حنانك

****

عندما سرنا بالأمس
و اخترت انت طريقاً
كان - لحظي – مظلماً

و ضممت ذراعي لك بقوة
طبعت فيها اثرا دائماً
داعبت خيالي افكار
كان تدفقها مؤلماً

و هتف بداخلي الـ " هو "
أن اسحقه سحقا ناعماً
و أمنحنا الحضن العارم
و كدت مندفعا أطيعه

فأتتني الـ " أنا الأعلى "
تختال ضاحكة
تكاد ان تتبسم
فهذا سعدها

هذه هوايتها
هي تحب العكننة
فهددتني بالناس
و بوليس الآداب
عليهم لعنة ربنا

فوخز الخوف قلبي
و تألمت له الـ "أنا "
فاكتفيت بلمس ابهامك
بسبابتي
فتبادلا قبلة ساخنة

ألا لعنة الله على خوفنا
اني سأطلقه طلاقا بائناً
ألا لعنة الله على ضعفنا
سأجعله مسخرة
سيكون راقصة
تزف عرسنا

******

9 comments:

masternino said...

الميت لا تجوز عليه الا الرحمة
وال..... لاتجوز عليه الا ..... ة
واذا اكرمت الكريم تشكرا واذا اكرمت اللئيم تنمردا
واللى رماك ورا ظهره ارميه من البرج
انا قلت من الاول ده واد سيكو بيكو مجنو والشافى ربنا
مش عارف انت لسه معلق فى دماغك ليه
تصدق ده ربنا رحمك من ال......ة
يلا بلاها شادية وبلاها نادية خليها حليم

SHY AnGeL said...

كلمات رائعه قاسية تنزل على القلب كسوط جلاد حبيب
ضننت بلحظة اني اقرأ كتاب حبك المقدس
يا إلهي هل هناك حب كهذا الحب والاخر يرفضه
يالا قسوة قلبك يا تامر

الله يعوض عليك يا كريم بالخير

Anonymous said...

انت كداب يا كريم
انت عمرك ما تحبيت وبدور عن الحب لكن ملقتش
بتتوهم وبتحلم وبتكدب
انت مصاب بفصام في الشخيه من كتر ما توهمت ان في واحد اسمه تامر وسابك قمت صدقت كذبتك الواضحه ومش عارفه هم مش قادرين يكتشفو كدبك ؟؟
انت عاملهم غسيل دماغ الغلابه دول....
فعلا ناس فاضيه
تامر تامر تامر
فين تامر ده ؟
انت هتتجنن قريب
لو فضلت تضحك على نفسك بالكلام الخايب بتاعك
ايه العالم الرخم ده بتاع المثليين ؟
انا مش حقوده او بكرهكم
انا الموضوع عادي عندي
لكن عمري ما دخلت مدونه مثلي الا ولقيت فيها اما الحاد وكفر
او كدب وخداع زي حضرتك
او كلام في الجنس
او حكايات كلها خيباه ونهايات فاشله واحزان مبتنتهيش
او اخبار عن اضطهاد المثليين
ايه ده ؟
انتو عايشن وجواكم احقاد وكراهيه عشان كده من الصعب ان حد يثق بيكم
ومشوشين وحاجات كتيره جواكم
يا ساااتر
وانت طبعا عايش في اوهامك
ابقى سلملي على تموووره بتاعك ده
العقل نعمه !!!

kareem azmy said...

اولا انا هعلق على الشخص المجهول
او المجهولة

اولا انا بحكي يومياتي و تفاصيل حياتي
و انتي بتقوليلي اني كداب
و ان عندي انفصام

طب احلفلك و لا اجيب اتنين موظفين يمضولك على كل بوست بصحة الكلام اللي انا كتبه ؟؟

طيب انا اصلك معرفش انتي مين اساسا
علشان يبقى ليكي الحق انك تحكمي عليا
و تقوليلي انى كداب و اني بتوهم شخصية تامر

مش جايز انتي اللي كدابة ؟
و ان انتي اللي مريضة و عندك انفصام
و اكبر دليل ان حضرتك جبانة
و بتتكلمي بصيغة المجهول

عاوزاني اعملك ايه عشان تصدقي ان تامر ده انسان حقيقي

احدد لك معاد معاه علشان تقابلية
و لا اديلك رقم موبيله تعكسيه ؟

ما دامتي مش مصدقة كلامي
يبقى انا برضة ممكن احكم عليكي انك انسانة مريضة و عندها شك ف الاخرين و انعدام ثقة ف الناس و عندك وسواس قهري

و ربنا يشفيكي

شفتي بقي يا مجهولة الكلام سهل ازاي

ربنا يشفيكي يا رب
و لو تاعبك دخولك مدونات المثليين
يا ستي ريحي دماغك و متدخليش

kareem azmy said...

عم بيدو الغالي
ديما منورني و الله
و تعليقاتك الساخنة

عموما يا عم بيدو الموضوع مش انه معلق ف دماغي
بس زي ما انت عارف المدونة زي دفتر ذكرياتي

فحبيت اني اخزن فيه الكلمات اللي تامر كان كتبها ليا زمان
خصوصا انه شالها من مدونته

مجرد ذكرى مش اكتر

********

shy angel الصديقة الغالية
نورتي المدونة
بس عاوز اوضح شىء
الكلام ده مش انا اللي كاتبه ده كلام تامر ليا

و زي ما انتي قولتي كلامات رائعة
و لكن بعد كده كل ده انتهى

hassona said...

اهلا يا كيمووو

انا مش عارف لية فعلا الموضوع معلق معاك زي مع استاذ بيدو قال يبني انسي و احمد ربنا ان الموضوع خلص علي كدة مين عارف اية الي ممكن يحصل بعد كدة .

انت مش كنت بتجرب موضوع خداع القلب اية اخباره

Anonymous said...

انساك ده كلام!!!!!!!!!!!
كوكى يا صديقى
انا عارفه مشاعرك و احاسيسك
بس انا متاكده ان الكلامات دا لما
تقراه دلوقتى حتكون اقوى خد بالك من نفسك
وحشتنى اوى
كوكى يا ريت تحاول تعرف تجيب اخبار ايساف او يا ريت اى حد بيقرا مدونتك يعرف عنه حاجه يقولنا
صديقتك داليا - ريم

smsm said...

انت مسلم و الحمد لله
استحلفك بالله ان تزيل هذا الكلام
فانه ينغم بكلامه من القران الكريم
و عسى ان يكون استهزاء بالقران الكريم
ارجوك امسحه
لا مساس بالدين
اللهم ما اني اسالك علما نافعا
اللهم ما اني اشهدك اني قد بلغت فارحمني برحمتك واخرجني من بين القوم الظالمين

Anonymous said...

Paragraph writing is also a fun, if you be familiar with afterward you can write if not it is complicated to write.

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .