08 May 2008

مرحلة جديدة في حياتي


اعلن عن نهاية مرحلة و بداية مرحلة جديدة في حياتي .
اعلن عن تجاوزي مرحلة البراءة التي حاولت ان ابقيها داخلي عبر السنوات الماضية ،
اعتقاداً مني اني بهذا سأكون أفضل الناس
و أني سأكون قادر على العيش بها
وسط هذا المجتمع الذي يحكمه فقط قانون الغاب .

ولكني الآن أعلن فشلي
و أني سأتخلى عن تلك البراءة
لا بل سأقتلها و سأكون أول المباركيين بموتها .

من الغباء ان اعيش زي الملاك بين البشر .

لن يكون الحب أهم اهتمامتي .
سانتقل إلى مرحلة النضوج و الخبرة .
ربما يفقدني هذا التغيير الكثير من الناس
و لكني سأكسب نفسي التي أهملتها كثيرا .


****************


14 comments:

Unknown said...

I'm very proud of you. Take care of yourself first, and remember that no one will love you until you learn to love yourself.

Joe

kareem azmy said...

كلامك صح يا جو و انا ناوي على كده
انت عارف اني بعزك جدا و احنا لسه اخوات
زي ما اتفقنا زمان

عاشق ياسمين الشام said...

التغيير أمر ضرور بحياتنا.

صديقي كريم بتمنالك كل التوفيق بالمرحلة جديد اللي قررت تبتديها.

تحياتي

masternino said...

كريم العزيز
اتمنى انك تقدر تحقق ذاتك
اتمنى انك تكسب نفسك وتعيش حياتك
اتمنى الا تؤثر عليك علاقاتك بالسلب
على علاقاتك مع الناس
الناس لسه فيها براءة
الناس لسه فيها ملائكة
يمكن مش اللى قابلتهم
ولا اللى عرفتهم
لكن ماتخدش الناس بذنوب غيرها
عيش الحب بارقى معانيه واوسع محتواه
حتكسب نفسك وتكسب الناس
تحياتى

kareem azmy said...

هاشق ياسمين الشام
شكرا ليك صديقي

************

عم بيدو
شكرا ليك
و فعلا ده اللي هعمله
اني اكسب نفسي
بخصوص باقي الناس
فالناس كلها شياطين الى ان يثبت العكس
عارف اني ممكن افقد ناس كتير بس كده احسن

تحياتي ليك

عماد رفعت said...

لما الشيطان يفيد
ولما الملائكه تضر
ساعتها كريم هيرمي عواطفه

مش هتقدر

momen ahmed said...

صديقي كريم
نفسي تعيش
نفسي تتحاس
نفسي تتفهم
نفسي تكون سعيد
التغير مطلوب بس مش في كل الاوقات اهم شي انت تكون عيز كدة وانك تكون سعيد
بتمنالك كل التوفيق
مؤمن

أبو نزار عبد الرحمن الشرقاوى said...

جميل كريم وهكذا تحيا حياتك الطبيعيه كاى إنسان كان ولا تاجل حياتك الحاليه وتسخر حياتك الماضيه وتعلق حياتك المستقبله بغيه البحث عن حب قد تجده او لا تجده وربما كنت تعيشه دونماان تشعر بذلك لانك تعيش فى انتظار نوع من الحب آخر ...بالتوفيق

kareem azmy said...

عماد
بجد التغيير ده ضروري عشان اعرف اعيش
مش بتغير عشان حد
صحيح انا بعاني لفشل التجربة الخيرة
بس مش بتغير علشانه
هو شايفني مش مناسب هو حر

بس انا شايف نفسي غلط كده
و لازم اتغير
مش عشانه انما عشاني
صحيح انت بتقول اني مش هقدر بس اهو بحاول
اكيد عمري ما هوصل للضد
او هتغير بدرجة 180 و لكن ع الاقل احسن اني بقيت اقوي
اني بقيت قادر اعيش

شكرا ليك يا عماد
كنت عاوزك ف موضوع كده يا ريت اشوفك اون لين
*************
الغالي مؤمن
انا كمان نفسي اعيش و نفسي اتحس و ابقى سعيد
اكيد انا مش نفسي ابقى حزين او مكتئب
ادعيلي اتغير يمكن يكون ده نهاية الفترة الكئيبة من حياتي

بتمنالك السعادة
*********************
ابو نزار
عموما متشكر على التعليق
عموما الحب مبقاش هدف من اهدافي دلوقتي
لاني بجد عشته و كنت حاسس بيه
يمكن فشل و مات الحب ده
بس مش هنساه
معرفش هقابل حب غيره و لا لاء
لاني بجد كل تجاربي اللي كانت قبل كده عرفت انها مكنتش حب
بس مش ده المهم
كفاية ان يبقى جوايا ذكريات جميلة
المهم دلوقتي نفسي

Unknown said...

كريم ياريت تفكر شويه
وهو غلط طبعا الطيبه بهبل
بس الطيبه اكيد مطلوبه
الرسول عليه والصلاه والسلام بعد فتح مكه لما عفا عن قريش برغم تعذيبهم ليه مكانتوا زادت عندهم اكتر
كريم ليس المهم نفسك وحدك نفسك اكيد مهمه لكن الاخرين مهمين طبعا لانك مش عايش لوحدك بس كل الحكايه لازم تختار صح
ماجد احمد
انا اسف لتغيبلا سابقا لانشغالى

مصطفى محمود said...

هتبقى شرير يعنى ؟!!

romeo said...

صديقى كريم
من احسن اللحظات اللى فى الدنيا
لما بنكون فى وقفة مع النفس
نظرة متفحصة للماضى
وكذللك مفائلة للمستقبل

الموضوع كلة عايز منك ترتيب مش اكتر
وانا متاكد انك هتبقى بخير
وماحدش هيقدر يخسرك
لأنك حد يتحب
ربنا
ينور طريقك
ويجعلك محبوب بين الناس وتشوف منهم الوفاء والاخلاص
تحياتى
روميو

Anonymous said...

الصديق كريم انا يمكن تكون دى اول زيارة لى لمدونتك الجميلة بجد و مقدرتش اخرج كده من غير ما اسيب تعليق ده لانى فعلا معجب مش بس بالمدونة و لكن بالشخص و الشخصية اللى أخرجت هذه المدونة .
الحقيقة ياكريم انا كتير اوى قبل كده و حتى فى اللحظة اللى بكتبلك فيها دى أنا باكون مع نفسى فى الموقف ده و باقول يارب اعنى إنى أبدأ مرحلة جديدة من حياتى
التغير شىء مهم جدا بس اهم شىء انه محتاج إيمان محتاج رؤية صادقة و مالهوش علاقة بالانفعال فخلى بالك و حاول تعرف انت ايه اللى انت عاوز تغيره فعلا
على فكرة انت بتقول لن يكون الحب اهم اهتماماتى انا حاولت كتير برضه اعمل كده بس اقولك كلمة يمكن تكون صح و يمكن ماتكونش بالنسبة لك ,دى طبيعة و الحب ليس شىء سىء و لكن بالتاكيد يمكن نكون عاوزيين نعرف معنى الحب و نغير معناه جوانا و المهم نحاول و هانوصل فى يوم من الايام و ربنا هو المستعان و هو هيدلنا فى الطريق طالما كنا على الطريق
مع تمنياتى و دعائى لك بالتوفيق إلى ما تجد فيه السلامة و السكينة مع روحك ونفسك وسلام منى اليك

kareem azmy said...

صديقي ماجد
واحشني بجد
اه طبعا الاخريم مهمين بس مش اهم مني و خصوصا لما يبقوا سبب في شقائي
شكرا على تعليقك
***********

مصطفي محمود
عاوز ابقى شرير فعلا
و لو حتى قدام الناس بس
عشان اقدر اعيش في وسط الغابة اللي بيسموا نفسهم بشر
ادعيلي بس

*******
اهلا روميو
شكرا ليك يا جميل على كلامك و تعليقك

***********
باسفيك
اهلا بيك صديق جديد
و شكرا على تعليقك الجميل
و شرفني بالزيارة مرات تانية كمان

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .