07 February 2008

هدية الفالانتين داي


بالأمس بعد الانتهاء من العمل و أثناء عودتي تمشيت قليلاً لاشاهد فاترينات المحلات ، باقي من الزمن 7 أيام على عيد الحب ، كم أنا سعيد هذه العام و لأول مرة سأحتفل به و معي حبيب و احضر له هدية

لم أستقر صراحة على هدية معينة ، حدثتني نفسي انني لو كنت غنياً قليلاً ، كنت سأحضر له كل تلك الهدايا التى أعجبتني و لكني قررت ان استقر على هدية و اعود لشرائها في وقت أخر ، و عدت للبيت ، تناولت طعام الغداء و نمت قليلاً كنت مرهق جداً

و عندما استيقظت بعثت له برسالة اني لسة صاحي من النوم و اني افتقده جداً و احبه جداً ، و بدأت استعد للخروج كنت على موعد مع أحد الأصدقاء ، و فجأة وصلتني رسالة على الموبيل منه ، و جدته يقول انه يوجد رساالة لي على المدونة المشتركة بيننا و التي تسمى ( حبنا أقوي من أي شىء ) و التى أنشأنها سوياً لتكون ركن الصراحة بيننا ، اذا حدث شىء أغضب احد منا ، فليترك رسالة هناك للأخر ، حتي لا يكون هناك أي رواسب داخل أي منا و حتى نستطيع سوياً أن نتغلب على أي عائق بين استمرار علاقتنا

كنت أنا أول من ترك رسالة هناك في يوم لم يعطني تلك الرنات التي دوماً يبعثها لي طوال الوقت ، و التي كانت تجعلني سعيداً حينما تشعر ان من تحبه يفكر فيك دائماً ، فتركت له رسالة استفسر منه لماذا توقف هذا اليوم عن الرنات .. و اليوم حينما دخلت لأقراء رسالته لي هناك توقعت شيء ممثال

و لكن

لم أتوقع ان تكون كلمات النهاية ، لن أسرد لكم كلماته هنا ، و لن أوصف لكم حالتي وقتها ، لانني غير مقتنع بتلك المبررات التى قالها ليجعل منها سبباً لنهاية حبنا و لكني على كل حال أحترم وجهه نظره و طبعاً انا رديت على رسالته اني مش حابب اعاتبه و ما دام شايف القرار ده في مصلحته خلاص ربنا يوفقه و كمان العتاب مش هيصلح حاجة في الموضوع

طبعاً رد فعلي ده كان غريب بالنسباله جداً ، و طبعا فضل يطلب مني انى اتكلم و اعبر عن اللى جوايا ، بس فعلا انا مكنتش عاوز اعاتب و لا أظهر اني محتاجه او لسه بحبه ، أوقات لازم تكون قوي و تمثل القوة حتى لو من جوه مكسور ، و اتمنيتله انه ميكونش جواه اى احساس بالذنب ناحيتي لاني مش مضايق و لا زعلان و لا مجروح ، خلاص الكلام ده كان زمان ، وقالي انه مش حاسس بأي ذنب

طبعاً مقدرش انكر اني مضايق ، بس مفيش منه فايدة

هي المشكلة بس إني كده فقدت الثقة في كل الناس ، و صعب قوي إني افكر ادخل تجربة تانية ، لاني بجد بدات فعلا أصدق كلام بعض الناس إن مفيش حاجة اسمها حب


تنويه بسيط لبعض الناس .. محصلش بينا أي علاقة جنسية ، مفيش الا القبلة اللى هو كان كتب عنها في مدونته

اضغط لتحميل الأغنية


11 comments:

أحمد منتصر said...

شد حيلك يا عم كريم أقله إنت جربت شعور الحب :)

واحد زيي عمره ما جربه :)

masternino said...

عزيزى كريم
ايه ده
ايه اللى حصل
الناس ايه اللى جرالها
الناس ليه بتفهم غلط
ليه بتظلم الحب معاها وهم اصلا مايعرفوش يعنى ايه حب
مش عارف اقولك ايه انا اتصدمت
ما اخبيش عليك انا كنت متوقع العلاقة تنهى بس مش بالسرعة دى ايه ده ده جبروت
خلاص المشاعر والاحاسيس بقت رخيصة وسهلة للدرجة دى خلاص بقت زى الملابس نخللعها ونلبسها وقت مانحب
صدقنى كده احسن انه حصل فى الاول
وصدقنى مهما كان كلامه ولا عتابه ولا مبرراته
لازم تعرف هو الخاسر الاكبر
خسر حبك وحنانك
خسر مصداقيته قدامك وقدامنا والاهم قدام نفسه
وانت الكسبان
كسبت نفسك وكسبت احترامنا ليك
وكسبت اصدقائك الدائمين اللى مهما حصل معاك على طول
سلامتك صديقى ....سلامتى ابنى .....سلامتك كريم
ابوعمر بيدو

PATIENT OF THE GAYS said...

عزيزى كريم
سمحت لنفسى ادخل مدونتك واقرأ هابى فلانتين داى ولى تعليق عليها
بس ياريت ماتزعلش منى لو كان مفهوم كلامى قاسى
معروف ان الجاى كلهم كذابين وانه اللى بيجمعهم اللقاءات الحميميه وانا حاسس انك شخص روانسى وحالم وده بعيد جدا عن الواقع اللى احنا عايشينه وكمان معروف عن الجاى انه بيحب يغير وبيحب الجديد وانه لما بيعجبه شخص ومش عارف يوصل له يبدأ فى الاسطوانات والكلام الجميل والناعم والاشواق وبعد ماينال غرضه الحميم خلال يبأ الفتور وتقل التليفونات والرنات والكلام يخلص وبعدين كل واحد فى سكه ونبدا مشوار جديد مع شخص جديد .
وخبرتى بتقول انه مفيش حد يستاهل انه احنا نهتم به على المستوى الشخصى او العام خللى العلاقه على اد الاحتياج على ان يكون هناك احترام
وعلى فكره لسه فيه كلام كثير عندى بس للاسف دى ثالث مره اكتب تعليق بس النت مش عارف ليه معاند معايا وعموما لو تحب نتناقش ممكن تدخل مدونتى او على الايميل وتحياتى لك
والنهارده احلى من امبارح وبكره احلى من النهارده
والا ايه
تحياتى

Anonymous said...

هاي كريم انا اول مره اضيف كومنت مع اني ليه اكتر من سنة بدخل علي المدونة ويمكن اول واحد دخلها لاني اسمي كريم المهم انا معرفش الي حصل ده ازاي بس ده ان دل فهو يدل علي سؤ الاختيار في الشخص ده او انك اديته ثقه وحب ميستحقهوش
كريم

Anonymous said...

انا مش عايز كلمتي تتفهم غلط عشان انا بعت لك ونصحتك با لتأني في الاختيار بس هي النتيجه دايمآ هي سوء الاختيار وكمان صوابعك مش زي بعضها واللهم لا تحملنا ما لا طاقة لنا به

Anonymous said...

عزيزى كريم
انا مش عارف اقوالك ايه فعلا الناس ما بقا عندها مش ولا حتى ادنى درجة من احترام المشاعر انت تعرف يا كريم ان الناس بقت تقول كلمة بحبك زاى ما يكون بيقوالك اتفضل اتغذى عزومة مراكبيه زاى ما بنقولوا يعنى الناس جردت كلمة الحب من كل ما تحمله الكلمة من معانى ساميه وجميلة اصبحبت فى نظرهم كلمة جوفاء لا تحمل اى معنى للحياة انا ما اكذب عليك انا كتير كنت بحسده ان ربنا جعله يحب شخص مثلك له كل تلك المشاعر الرقيقة وجميلة لكن للاسف الله لا يعطى اكثر مما سيتحق فحرمه من حبك وحنانك فعلا ناس تتبطر على النعمه وناس مش لاقيها ياريت انا القى حد يحبنى نصف حبك لكن للاسف ليس كل ما نطلبه نناله اصبر يا عزيزى وربنا قريب راح يعطيك انسان يحبك اكثر مما انت تحبه وماتزعلش يا كريم ربنا يخليك لان زعلك غالى عندى قوى

محمد said...

صديقي الغالي كريم
صدقني في حاجة رائعة اسمها الحب بس الإنسان بحاجة للكثير من الصبر حتى يجد من يشاركه بهذا الحب النقي والصادق، ليست نهاية العالم ان تنتهي علاقتك مع تامر، اعتبرها تجربة ومرحلة من حياتك واستفيد منها للمستقبل، بالنسبة لإلي خلال الفترة الماضية مريت بتجربتي حب فاشلتين بفترة شهرين تخيل! وياريت بس كان حب وقبلة مثل حالت مع تامر ، لأ أنا كان حب وتعلق شديد من طرفي وممارسة كاملة للحب ولكن النتيجة لا شيء!!! بعد عدة أيام سأكون لوحدي في عيد الحب أتمنى ان يشاركني أحدهم فيه، ولكن أكرر وأقول هل هي نهاية العالم؟ لأ أبدا هية تجربة سلبية، صرت أقوى بعدها وسأنهض من جديد بعد فترة نقاهة من الحب الفاشل وسأعود من جديد أبحث عن الحب الحقيقي والأبدي بين المتاحبين المثليين

Anonymous said...

انا مش حا قولك غير ان الحب موجود ومتصدقش كلام الناس ان ما فيش حب لا هو فى بس للشخص اللى يستاهل مش لاى حد
زبجد انا اعرف تجارب نا جحه جدا ومستمره منذ سنين طويله

Anonymous said...

السلام عليكم و رحمة الله
هذه أول مرة أكتب فيها إليك أخي العزيز كريم
لست من الأشخاص السهل لفت انتباههم للمشاركة في موضوع... أحب أن أراقب الأشياء من بعيد... غير أن حبيبتي لا تنفك تراسلك و تعلق على مواضيع مدونتك.
المهم... لقد تأثرت بنهاية علاقتك بـحبيبك... و مهما كتبت لك من عبارات المواساة فإنها لن تستطيع أن تصرف قلبك عن الإعتصار ألماً، ليس لفراق الشاب، و لكن على نفسك و روحك التي وهبتها لشخص ليس أهلاً لها ولا يستحق هذا الكم الهائل من المشاعر النبيلة التي تسكن جوارحك...
في يوم ما، و في مكان ما لابد للذي أنت نصيبه وهو نصيبك أن تطرقا باب قلبيكما و تكون روح كل منكما مستقراً لكليكما...
لا تفقد الأمل عزيزي كريم، فكم من علاقة فاشلة أصبح لها أكبر النفع على الآتي من حياتنا...
ولقد صدقت إحدى صديقاتي حين قالت لي يوماً: إن كل علاقة أعيشها ولا تكتب لها الإستمرارية هي بالنسبة لي حياة كاملة.حياة لها بداية و نهاية.نعشق دائما البداية و نتألم لوصولنا محطة النهاية.
كن قوياً يا كريم بتجاربك و تذكر أنك في مقتبل العمر و أحلى مراحل الحياة...ولا تنسى أبداً أننا نحن معشر أصدقاءك دائماً هنا.

مع كامل الود

فراشة said...

واضح انك انسان طيب صدقنى الناس الطيبين لسه موجودين ، بس يمكن حظك وقعك في حد مش كويس متخليش الموقف ده يخليك تفقد الثقه في الناس
عاوزة اقولك ان الحب مش كلمه بتتقال الحب ده عهد
عهد للابد
واللي يخلف وعده وعهده مع حد توقع منه فعل اي شئ.
ربنا يوفقك
على فكره رد فعلك كان صح وسليم

زميلتك في spotblog

ايمان

الدرعمي said...

بصراحة

انت كان لازم تقول له عاللي في قلبك
وتصرّ على انكم تتصارحوا وتناقشوا الكلام اللي كتبه لك
ومن وجهة نظري
انت مبذلتش جهد عشان تحافظ عليه لما هو فكّر يسيبك
لمجرد انه سابك محاولتش تعاتبه
مع ان الانسان بيحب يتعاتب اللي يحبه وبستخسر العتاب في اللي رامي طوبته
يعني كنت متجيش على نفسك علشان تنفذ له رغبته
انت كمان لك حقوق منها :
انك لما تحس انه بيضيع من ايديك تعمل كل حاجة تقدر ترجعه ليك بيها
ده مفهوش اهانة ليك ولا انت بتجري وراه ولا بتتمسح فيه
بس انت بتحافظ عليه وبتتمسك بحقك
دي وجهة نظري والله اعلم
انا مش مثلي بس يهمني الانسان ميكونش تعبان ومتضايق لاني متنيّل واقع في نفس مشكلتك مع اختلاف بسيط :
انها فعلا تعبتني نفسيا
فلما حصل الفراق متعبتش اوي لاني اخدت فرصة اريح فيها اعصابي واحافظ على ضغطي اللي كانت بترفعه كل يوم
بس تعرف دلوقتي بعد شهر
بدأت أفكر اني اتصل بيها
المهم
خلينا معاك يا قمر
انتم لازم تتعاتبوا
ولو مجاش روح له
مفيهاش عيب

يارب اسمع عنكم اخبار كويسة قريبا

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .