24 January 2008

إعلان إرتباط تامر و كريم


اكتب هذه الكلمات اليوم و أنا في قمة سعادتي و التي ربما يشوبها بعض القلق ، ربما لأن من يعاني من الحزن لفترات طويلة ، يشعر بالقلق عندما يجد السعادة ، ربما خوفاً على تلك السعادة من فقدانها و العودة مرة أخرى لما كان عليه من حزن ، لا أعرف على كل حال دعكم من هذا الآن

فاليوم أدون عن بداية علاقتي بمن كنت ابحث عنه ، و اعلن ارتباطي بأحلي إنسان في العالم إنه ( تامر ) هو ليس معروف لكم ، لكنه كان دائم القراءة لمدونتي و كنا أصدقاء على النت فقط ، ثم تقابلنا في الواقع و خرجنا سويا و تكلمنا و تعرف كل منا على الأخر كأصدقاء ، و بدأت مشاعر الحب تنمو بيننا و تصارحنا بالحب ، و قررنا أن نرتبط

على الرغم من وجود اختلافات كثيرة بيننا ، إلا ان كل منا احب الأخر ، ربما يساعد هذا الأختلاف على نجاح العلاقة ، و لكن أهم شيء أنه مثلي الجنس ، حيث يفهم كلانا طبيعة الأخر و مشاعره . فمن خلال تجاربي السابقة لا أنصح أحد من المثليين بالإرتباط بشخص مغايير أو بايسكشوال ، فكلاهما لن يفهمك

لا أجد كلمات كافية لأوصف ذلك الانسان الذي احببته ، عارفين لما ببقى معاه بفتكر سعاد حسني لما كانت بتغني لحسين فهمي اغنية ( يا واد يا تقيل ) و بتقوله ( متقولش أمين شرطة اسم الله و لا دبلوماسي ) بجد انسان رائع ، قمر ، بس هو لا أمين شرطة و لا دبلوماسي الحمد لله طبعا .. لاء و تخيلوا أول كلمة حب قالها لي كانت أيه ؟؟ قالي ( يخرب بيتك يا كريم ) طبعا أنا كنت هضربوا بس يالله بقى ربنا يسامحه ، بس بعد كده اخترع لي كلمة حب غريبة قوي بس عجبتني ، أهو يعنى يمكن تبقى مصطلح جديد يتداوله العاشقين بعدين ، المهم الكلمة دي اسمها ( هاكاتاه ) و النبي ما حد يسألني يعنى ايه ، بس أكيد يعنى هي حاجه كويسة ، بس لو حد يعرف الكلمة دي بأي لغة أو يعرف معناها أيه يا ريت يقولي ، أحسن الواد يكون بيشتمني و بيضحك عليا و أنا معرفش .. بهرج طبعاً


كمان كان لازم أدون النهاردة عن القَََُبلة الأولى بيننا .. بدون تفاصيل و محدش دماغة تروح لبعيد ، ، بس أنا سعيد بجد ، و بتمنى لكل الناس انها تلاقي الحب و تلاقوا الحد اللي يحبكم و تحبوه ، و تحسوا بالسعادة معاه ، مش مهم انت مثلي و لا مغايير المهم انك تحس بالحب و السعادة مع اللى قلبك يرتاحله ، ادعولي العلاقة تنجح و تستمر

****************

انضم تامر لعالم البلوجرز و هذه مدونته ، انفعل .. فالامر يستحق

أغنيت (حبيتك تنسيت النوم) مهداه لحبيبي و لكل الناس
اضغط لتحميل الأغنية بتوزيع أحدث


17 comments:

Anonymous said...

ألف ألف مبروك ياكريم انت و تامر و ربنا يسعدكم سوا و يوفقكم في حياتكم و مستقبلكم
:)))

Anonymous said...

الف مبرك ياكريم
--- وخلي بالكوا من بعض بقي
وربنا يجعل أيامكوا كلها هاكاتاه في هاكاتاه

مصطفى محمود said...

الف مبروك يا كريم

Anonymous said...

بس انا عندي رأي تاني مختلف شويه هو انك تتأنى في اختياراتك لأنه زي ما عرفت من كتاباتك على المدونه انك بتدخل في تجارب عاطفيه ودايمآ بيبأه الانسان اللي بتتعرف عليه هو احسن حد في الدنيا وبعد كده بيظهر حد تاني في حياتك بيطلع برضه هو احسن حد في الدنيا وهكذا الحال دايمآ يمكن مش كتير بيحصل ده ولكن اشرك العقل باستمرار لآنه مش دايمآ حانعيش في تجارب ومشاعر واحاسيس تروح هدر على الفاضي لأنه لابد من الاستقرار على شيئ دي مجرد وجهة نظر والقرار ف الأخر ليك لوحدك ودايمآ خليك مراقب ترمومتر مشاعرك وعواطفك تجاه من تحب واذا كان هو يستاهل ده ولا لأ وتمنياتي بالسعاده

Anonymous said...

ايه ده انا زعلان اوى لانى والله كنت رديت انبارح اول رد والرد معرفش موصلش ليه انا اسف
بس ايه ده يا كيمو مليون الف مبروك
وان شاء الله تكونوا مع بعض لنهايه
العمر
لابس فيه حا جه يا كيمو لازم تقولنا سنه كام وشكله وطباعه واحنا صحابك اللى نحدد تربطوا ولا نقول الجوازه دى مش لازم تتم
هههههههههههههههه
بجد ربنا يوافقكوا واتمنى التقكى بكم
واغنلكم اغنيه كارول سماحه مروان خورى يارب تدوم ايامنا سوى ويبقى عا طول جمعنا الهوى
واليسا اجمل احساس فى الكون انك تعشق بجنون وده حالكوا مع بعض
واصاله بين ايديك انا بنسى روحى بين ايديك صعب اعيش فى الدنيا دى الا بيك
بص والاغنيه دى منى ليك بالله عليك تغنيها له اليسا كل يوم فى عمرى بيعدى وانت معايا فيه باحس انى بيزيد احساس جويا والقى غصب عنى باشتاق لعينك اجمل الليالى انا لما تشوفك عينى

بجد انا فرحانك اوىىىىىىىىىىىىىىىىىىى جدا اخر حاجه بس بردوا مش حوافق غير لما تحكلينا عن تامر
ههههههههههههههههه

Anonymous said...

وووو مبروك يا كريم
والله يوفقكم

تحية من قلبي يا عريس
:)

kareem azmy said...

شكرا لكل الأصدقاء على مشاعرهم الجميلة
اجندا حمرا
و ايجبت سول
و مصطفى محمود
و ماجد احمد
و هادي
و مودي
بس عاوز اعلق على كلام مودي
الناس الكتير اللى انت بتقول عليهم كانوا اتنين أ.ل و توتي
و الاتنين ناس كويس جدا و بحترمهم جداً و لسه احنا صحاب ، بس الظروف مش نفعت بينا ، يعني تقدر تقول انه اعجاب او كان احتياج ، ألأول شخص مغايير و التاني كان بايسكشوال
علشان كده الأمور منفعتش ، و بعدين انا مش بتسرع في مشاعري و لا حاجه
هو مجرد انى اكتب عن اعجابي بشخصية حد يبقى دخلت معاه في علاقه ؟؟

عموما متشكر على نصحتك

كريم عزمي

Anonymous said...

هاى صديقي كريم الف مبروك و يا رب تكون سعيد على طول انت وتامر يا رب

T said...

انا اقول ايه على كلامك ده؟
كلامك جميل قوي و خلاني ابتدي اخد في نفسي مقلب
هههههههههههههههه
لكن ايه موضوع يا واد يا تقيل ده؟ يا جدع انت مش حاسس انا مدلوق عليك ازاي؟ بقى انا كده تقيل يا مفتري؟
مش هاقولك بحبك و لا هاكاتاه، حتى هاكاتاه مش بقت تنفع معاك
انا عايز حاجة اكبر بكتييييييييير قوي
و بمناسبة السعادة التي يشوبها بعض القلق
هاعرفك على واحدة من رباعيات جاهين:

كرباج سعادة و قلبي منه اجلد
رمح كأنه حصان و لف البلد
و رجعلي نص الليل و سألني ليه
خجلان تقول انك سعيد يا ولد
و عجبي

اعترف بقى من غير خوف، ريحني ربنا يريحك

Anonymous said...

كوكى
ايه الاخبار الحلوة دى طبعا انا كنت عارفه انه حيحصل علشان انت صاحب احلى و اطيب قلب و اسمحلى اقول لتامر كلمتين: تامر خد بالك من كريم و حبه اوى لأنه جميل و حنين و لما يحب بيحب بجد
اما انت با كريم افرح و انبسط و اتهنى و ارتاح بقى و خد بالك من تامر برضه
قبلاتى و تحياتى لكم انتم الأتنين
مبروك
صديقتك داليا

Anonymous said...

(سجين الوعد)


هاااااااااااااااااااااااااااااااااي



كيمو واحشني اوي اوي اوي اوي اوي اوي



مليووووووووووووووووووووووووووووووون

مبروك عليك انته وتامر وربنا يتمم بخير


وسعاده اتمنى لك ياكريم كل الهناء والصحه



هاااااااااااااااااااااااااااااااااا


تاااااااااااااااااااااااااااااااااا


كه

Anonymous said...

عزيزي كريم انا اتمنى لك السعاده من كل قلبي وتعيش في استقرار دائم ان شاء الله وارجوا انك تكون متفهم وجهة نظري كويس واتمنى لك كل خير وشكرآ على ردك

Anonymous said...

لا لا لا يا كيمو انت لازم تحكلنا عن تامر كتير واحنا اللى نوقلك حبه ولا لا احنا اصحابك ولازم نحس بيك ونفرح بيك انا زعلان منك لان ما حكتشى عن تامر يلا ياواد نزل موضوع عن تامر
ههههههههههههههههههه

محمد said...

صديقي كريم
ألف ألف مبروك إرتباطك مع تامر
هاي أحلى خبرية ممكن أسمعها عنك
يا رب تدوم علاقة الحب بينكم للأبد
وتكون أحلى قدوة للمثليين والمثليات بنجاح علاقات الحب المثلي واستمرارها
بتمنالك كل السعادة مع تامر، وصدقني إلي بصبر بنول وانت صبرت وبحثت بصدق وإخلاص عن حبيب والحمد لله وفقت بإيجاد هذا الحبيب
وآخر شيء بحب أقول لإلك ولتامر
ه ا ك ا ت ا ه= بحبكم

kareem azmy said...

حبيبي الغالي تامر
انا بعترف من غير خوف انى سعيد بحبي ليك
ربنا يخليك ليا و نفضل سوا طول العمر

******
صديقتي الغالية داليا
متشكر ليك قوي
و عقبالك يا رب

*******
سجين الوعد
شكرا يا جميل
و عقبالك
على فكرة الكلمة اسمها هاكاتاه

*******
ماجد
مش لازم التفاصيل
الشىء المهم اننى لقينا بعض و بنحب بعض
و عقبالك يا جميل

*******
صديقى الغالي محمد
شكرا يا جميل ربنا ما يحرمنا منك
و احنا كمان هاكاتاه انت
هههههههههههه

شكرا لكل الأصدقاء الأعزاء

Anonymous said...

اسمح لي بان اقول لك صديقي العزيز واسمح لي بان اقول لك ان رسالتك وخبر ارطباتك اسعدني جدا جدا مع العلم باني اعاني من الحب وجراحو لكن ارجو من الله ان يوفقك انت وتامر واسمع هذه النصيحه بانه مهما حدث مشاكل بينكم لا تدع احد يعلم او يتدخل وصدقني ان الحب اجمل شي بالوجود كما ارجو منك ان ترسل لي اميلك على الهوت ميل او الياهو حتى استطيع مراسلتك صديق يوسف من الامارات ومقيم بمصر

أحمد منتصر said...

ربنا يوفقكم :)

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .