09 May 2007

مشربتش من نيلها .. كليب


علشان كل الظروف و الأزمات اللى بتمر بيها بلدنا
و لاختلاط مفهوم كلمة الوطن
و انعدام هذا النوع من الحب في وقتنا الحالي
و انتشار الظواهر السلبية و انعدام الانتماء
و طبعا دا راجع للظروف السيئة التى يعاني منها شعبنا

و بعيدا عن اي شىء
و بالرغم من كل الظروف
بحبك يا بلدي
بجد ده الاحساس اللى جالي بعد ما سمعت اغنية شرين
مشربتش من نيلها

صحيح الظروف خليتنا منحبش بلادنا
و نتمنى اننا نفارقها لأي بلد تاني
بحثا عن الحرية و الوضع الادمي الاحسن
بس فعلا كلمات الاغنية مؤثرة قوي

علشان كده عملت كليب ليها
اتمنى يعجبكم


اضغط هنا لتحميل الكليب

و دي كلمات الاغنية
***********

بلادنا أمانة في ايدينا
نعليها مدام عايشين
نعيش فيها سنين و سنين
و احنا مطمنين

مشربتش من نيلها ؟
طب جربت تغنيلها ؟
جربت ف عز ما تحزن
تمشي ف شوارعها و تشكيلها

ممشيتش ف ضواحيها ؟
طيب مكبرتش فيها ؟
و لا ليك صورة ع الرملة
كانت ع الشط ف موانيها

دور جواك تلقاها
هي الصحبة و هي الأهل
عشرة بلدي بتبقالي
نسيانها ع البال مش سهل

يمكن ناسي لانك فيها
مش وحشاك و لا غيبت عليها
بس اللى مجرب و فارقها
قال ف الدنيا مفيش بعديها

ان غبت بحنلها
و انسى الدنيا واجيلها
و ان جيت انسى تفكرني
بمليون ذكري القلب شايلها

غالية بلادنا علينا
و هتفضل ف عنينا
و مدام بنحب بلادنا
تبقا هتتغير بادينا

احنا اللى نعليها
بادينا نخليها
اجمل لينا ولولادنا
مهما العمر يعدي علينا


دور جواك تلقاها
هي الصحبة و هي الأهل
عشرة بلدي بتبقالي
نسيانها ع البال مش سهل

يمكن ناسي لانك فيها
مش وحشاك و لا غيبت عليها
بس اللى مجرب و فارقها
قال ف الدنيا مفيش بعديها

12 comments:

احساس مثلي said...

ازيك يا ميمو بالرغم اني مش مصري
بس الاغنية عجبتني ومن اروع الاغاني اللي دخلت جوات قلبي بسرعة
لأنها بتذكرنا بنوع من الحب اللي بنفتقدة وهو حب الوطن
كم اشتاق لوطني الذي لم اراه
على فكرة انت مخرج هايل يا كريم
بتمنالك مستقبل باهر

مصطفى محمود said...

عزيزى كريم لا اريد نقل اى مشاعر سلبية ولكن انا لا انتمى الى مصر الا بقدر ما نتمى لمكان ولدت فية ولى فية ذكريات طيبة وكذلك رفاق احببتهم وامضيت معهم ايام جميلة ..وماعدا ذلك مصر لا تعنى لى اى شىء بمفهوم الدولة او االنظام .بل اشعر انى انتمى للبشرية كجنس واحد وارفض الانتماء لقومية معينة .

Anonymous said...

kimooooooooooooooooooooooooo
i realy missed u so
how is life with you?
bgd el o3'nyas 7elwa bs ely a7la mnha e7sask w en lesa fy nas 3andha el e7sas da w dy 7aga nadra elyomen dol
god bless u my friend
some one

Sabsoub said...

كتير حلو يا كريم ... مو أول مرة بزور مدونتك بس أول مرة بعلق .. الأغنية كتير حلوة و الإخراج أحلى .. الكلمات مع الصور بتدخل القلب من جوا و بتخلي العين تدمع و لو أني مش مصرية.

Anonymous said...

هااااااااااااااااي كريم

انا لست مصريا و لم اشرب من النيل لكن المهم ان كل انسان تربطه عاطفة قوية بالمكان الذي ولد و تربى فيه مهما حال ان يتنسى هذه الحقيقة
هذا لا يمنع انك قد تحس بالغربة اسوء من غربة البعد والمسافة

كليب فعلا جميل وتنسيق رائع


انت اخرج فيلم سينيمائي و انا ارشحك للاوسكارعلى طول
g....h...o...s...t

Anonymous said...

هاي يا صديقي كريم

انا المغربية.

شكرا على الأغنية جميلة جدا و صراحة إحنا متعودين من مصر أم دنيا و أم الفن و الفنون الجميلة
و صراحة انا مغتربة و مشتاقة كثير لبلادي المغرب رغم هيك ما بحبش أعيش فيه لأني تعودت على عيشة الغربة و رغم إنها قاسية إلا أنها جزء مني و من حياتي

لولا الغربة ما كنت نضجت علمتني و كبرتني قبل بوقت و علمتني اشقى عشان أكل لقمة عيش بالحلام علمتني أعتمد على نفسي و أدافع عن حقي و أدفع عن شرفي و جسدي و أدافع عن بلادي و كل هذا عشان أجمع فلوس و في الأخر ماليش غير بلادي الحبيب
و شكرا يا صديقي .

Anonymous said...

جميل جدا ان تشعر بالانتماء لوطنك
و مهما كانت الظروف قاسية فان الذنب ليس ذنب الوطن
انت مخرج موهوب
تقبل تحياتي

Anonymous said...

hi karim
I just have one comment

I don't live in Egypt
but its in my hart and soul

I can't help it to cray whenever i c or hear the name in a song or glory moments ,U will only know what it worth and mean to u when u live in diffrent country

TheDon

Anonymous said...

يعنى عايز تقنع كل اللى يدخل المدونة انك انك بنى ادم اكتر من رائع ..يا سلام بتصلى وبتقرا قرآن وحساس وكمان بتحب بلدك
مش ده اللى انت واللى زيك عايزينه؟؟؟؟ ان الناس تقول ياسلام ده مثلى بس والله شخصية جميلة و...و.... يعنى من الآخر نقبل وجودكم بيننا واللى ما يعملش يبقى انسان ظالم لمجموعة رااااااااااائعة من البشر المساكين اللى ما اختاروش قدرهم!!!
طبعا الرد هيتحذف ،،،،مش مهم المهم انت واللى وراك يعرفوا ان فيه ناس فاهماااااااااااااكم كويس قوى وعارفة انكم بتشتغلوا على مخ الشباب والبنات واحاسيسهم كمان
ربنا يمهل ولاااااااااااا يهمل
وقوم لوط مثل قديم هنشوفه قريب قوى ان شاء الله

kareem azmy said...

صديقي
ان كان رأيك في شخصيتي بعد دخول مدونتي و الاطلاع على ما بها اننى بني ادم رائع و شخصية جميلة .... فأنا اشكرك و يكفيني انك تراني هكذا

لان كل ما في المدونة واقع بدون تجميل او تزيف

اما بخصوص باقي تعليقك
فلا تعليق على تعليقك

و شكرا
كريم

Anonymous said...

أنا مش كاتبة تعليق علشان أقولك أن الكليب ده جميل جدا .. وبجد مؤثر جدا .. لأن دى حاجة واضحة من غير ما أتكلم .. لكن أنا داخلة أقولك أنك شخصية محترمة .. لأنك تركت رد لأخ بينتقدك انتقاد جارح .. وحتى لو هو مختلف معاك المفروض رده ميكنش بالطريقة دى .. ورديت عليه كمان بطريقة محترمة .. بجد لك كل التقدير



بنت مصر

DJ 0f Saffier said...

ازيك ياكريم انا اولا بحييك علي احساسك العالي وزوءك الجميل علي فكره انا اول مره اكتي تعليق في اي حاجه ياعني بحس اني ماليش في الحاجات دي بس الموضوع بتاعاك انا اكتر واحد ليا فيه لانك بتتكلم عن بلدي الي اتحرمت منها مهما قلت اكيد الي متغرب عارف وحاسس الي انا حاسو وحشاني يامصر
شكرا

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .