27 April 2007

القرأن و الاختراعات

قراءت هذا المقال في ايميل يتداولة الشباب على النت فيما بينهم و استعجبت جدا بعد قراءته و كتبت تعليقي في نهاية الموضع

_________________________
من إعجاز القران الكريم!!
المصباح في زجاجة

قام العالم أديسون مخترع المصباح الكهربائي، بأكثر من آلف تجربة قبل أن ينجح في اكتشافه، الذي لم يتكلل بالنجاح إلا بعد أن هداه الله إلى وضع زجاجة حول المصباح، لتغطي السلك المتوهج، وتزيد من شدة الإضاءة، ويصبح المصباح قابلاً للإستخدام من قبل الناس، ولو كان هذا العالم يعلم ما في القرآن الكريم من آيات معجزات، لعلم أن مصباحه بحاجة إلى أن يغطى بزجاجة، كي ينجح ويضئ لمدة طويلة كما يجب، وذلك مصداقاً لقوله تعالى: "الله نور السماوات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري"
------------------------------------------
العرجون القديم

بذلت وكالة الفضاء الأمريكية كثيرا من الجهد، وأنفقت كثيراً من المال، لمعرفة إن كان هنالك أي نوع من الحياة على سطح القمر، لتقرر بعد سنوات من البحث المضني والرحلات الفضائية، أنه لا يوجد أي نوع من الحياة على سطح القمر ولا ماء ولو درس هؤلاء العلماء الأمريكان كتاب الله، قبل ذلك، لكن قد وفر عليهم ما بذلوه، لأن الله تبارك وتعالى قال في كتابه العزيز: "والقمر قدرناه منازل حتى عاد كالعرجون القديم" والعرجون القديم هو جذع الشجرة اليابس، الخالي من الماء والحياة.
------------------------------------------
في ظلمات ثلاث

قام فريق الأبحاث الذي كان يجري تجاربه على إنتاج ما يسمى بأطفال الأنابيب، بعدة تجارب فاشلة في البداية، واستمر فشلهم لفترة طويلة، قبل أن يهتدي أحدثهم ويطلب منهم إجراء التجارب في جو مظلم ظلمة تامة، فقد كانت نتائج التجارب السابقة تنتج أطفالاً مشوهين، ولما اخذوا برأيه واجروا تجاربهم في جو مظلم تماماً، تكللت تجاربهم بالنجاح. ولو كانوا يعلمون شيئا من القرآن الكريم لاهتدوا إلى قوله تعلى، ووفروا على أنفسهم التجارب الكثيرة الفاشلة، لأن الله تعالى يقول: "يخلقكم في بطون أمهاتكم خلقاً من بعد خلق في ظلمات ثلاث ذلكم الله ربكم له الملك لا إله إلا هو فأنى تصرفون"
والظلمات الثلاث التي تحدث عنها القرآن هي: ظلمة الأغشية التي تحيط بالجنين وهي
(غشاء الأمنيون، والغشاء المشيمي، والغشاء الساقط).
ظلمة الرحم الذي تستقر به تلك الأغشية.
ظلمة البطن الذي تستقر فيه الرحم.

يارب من فتح رسالتي وقرأها إفتح عليه بركات رزق من السماء والأرض.. ومن نشرها بين العباد فلا تحرمه جنتك بغير حساب ولا سابقة عذاب

__________________________

تعليقي على الموضوع

كلام جميل قوي و لكن لماذا نحن لم نتوصل الى هذه الاختراعات كمسلمين , و اين حفظة القرأن و مفسرية لماذا لم يتوصلوا الى اختراع واحد من هذه الاختراعات . لماذا فقط نستهلك اختراعات الغرب و بعد ذلك نبحث عن ما يوحي ان تلك الاختراعات ليست جديدة على قرأننا , حتى نثبت اننا لسنا متخلفيين , و لماذا يطالب كاتب هذا الموضوع الغرب بالرجوع الى القران لتوفير الجهد و التجارب و انهم لو رجعوا اليه لوفروا الكثير , لماذا لا نبحث نحن عن اختراع لم يتوصل له الغرب حتى نثبت حقا اننا لسنا متخلفيين و لسنا دول عالم ثالث , و ان ديننا الدين السابق و اللاحق و دين المستقبل

انا لست ضد هذا الكلام فالقران معجزة من معجزات الله , و انا اعلم انة دين الماضى و الحاضر و المستقبل , و لكني ضد ان نكون متخلفين و ان كل دورنا اننا نفسر انجازات الغرب , و نقف خلف كل الحضارات

ربما يقول احد الاشخاص ان السبب اننا اهملنا ديننا و قرأننا , انا لا اتحدث هنا عن الناس العادية , انا اتحدث عن رجال الدين , فالاكيد انهم ادري الناس بالقرأن و تفسيرة , لماذا لم يتوصل احدهم الى اختراع , لماذا لم نسمع عن شيخ من الشيوخ انه مخترع لأى شىء

لذلك اعتقد ان هناك شىء خاطىء في فهمنا لديننا او في ممارسة هذا الدين , لست عالما او مفكرا او أي شىء حتى اصل للحل , و لكني ع الاقل اشعر بالمشكلة , و يجب على رجال الدين او العلماء او اى شخص يهتم بالمسلمين ان يجد الحل حتى نمارس ديننا بالشكل الذي يجعلنا من الدول المتقدمة , و ليس فقط مفسرين لانجازات الغرب


8 comments:

Ahmed said...

براااااااااافو
مقال أكثر من رائع. رائع
القرآن الكريم كتاب تلاوة و تدبر، و كتاب روحاني للروح
و ليس كتاب فيزياء و كيمياء
هذا شيء يسيء للقرآن
أحيك على شجاعتك
أتذكر مرة أني كتبت في إحدى المواضيع
سوبر ماركت الاعجاز العلمي و الحمير
تحياتي يا حلو

مصطفى محمود said...

اولا انا اجد خلط فى الموضوع بين الدين وبين العلم وقد علمنا انة ما تقدم احد فى الدنيا الا بالعلم اما الدين فنجاح الشخص فية يراة فى اخرتة وكان من الاجدى لكاتب المقال ان يفسر لنا لماذا لم يكتشف هو بنفسة كل هذة الاسرار قبل ان يكتسفها الغرب اليس هذا ايسر من دعوة الغرب الذى توصل لذلك لقراءة القرأن ! ثم الا يستحى البعض من لوى ذراع الايات لتفسيرها تفسيرا علميا حديثا فقط ليبرر فشلة وعجزة عن مواصلة الغرب فيغالى فى تفسير الايات ليؤكد انة الافضل ونسى انة مالم يزد شىء فى الحياة فهو نفسة زائد عليها ولا ينفعة كثرة تدين بدون علم واجتهاد .

أحمــــــــدبــــــــــلال said...

بالطبع القرآن هو معجزة نبينا الغالى محمد صلى الله عليه و سلم
و الذى هو أكثر من مجرد أكتشافات علمية بسيطة تكلم عنها القرآن من قرون عديدة
فهو المعجزة فى حد ذاتها
و ليس مجرد كلمات نتشدق بها على أن ديننا يحتوى على الحقيقة الفلانية أو الأكتشاف العلانى

بالطبع هو يحتوى على ذلك و أكثر

و لكن المثير للتعجب بالفعل هو عدم أكتشافنا نحن للأكتشافات العلمية المذهلة التى تحدث عنها المقال تلك
بالرغم من أنه ديننا نحن و ليس هم
بل أكتفينا بالأنبهار و ليس بالتدارس و البحث بين جنباته

يا ناس
ديننا و قرآننا أعمق من ذلك

Anonymous said...

الاسم:حبيب الروح
البلد:فلسطين الحبيبة "ارض الانبياء والمرسلين وارض المحشر يوم الدين"
اية المسلمين والمسلمات
اعلمو ان الله ذو حكمة وشان كبير..
وهل تعتقدون بان ع الله كان صعب ان يهدي احد المسلمين للاختراعات الي توصل اليها الغرب..
بالطبع لالا
والله حكيم خبير
فهو اراد كما راينا بان من هو ليس بمسلم ان يكتشف هذا الاعجاز ليوصل لوحدة ليقين بان القران الكريم ما هو الا كلام الله بدون اي شك
وبان الاسلام هو دين الله ودين الحق
ثم
الاياة الكريم التى تقول
"الله نور السماوات والأرض مثل نوره كمشكاة فيها مصباح"
والتفسير الاية:
المصباح في زجاجة الزجاجة كأنها كوكب دري

والمعنى لو ان اي عالم مسلم توصل ع الاقل لتفكير بالمصباح وكيفة انشاء مصباح
وكيفية صنع مصباح وحاول ع الاقل
لكن اكيد هيعرف حسب القران اذا كان عالم بالقران ان المصباح يحتاج لزجاجة
هذة هيكل القصة..
وباقي الامور الي نذكرت تفسر وتقع بنفس الدائرة
بس لانة ما في مسلم كان مختص بهيك اختراعات
وما كان بفكر بهيك اختراعات ومنهك بهيك اختراعات لهيك ما طبق وحاول ايصال الاية بالاختراع.
بس بعد الاختراع راء علمن=ماء الدين ان الاختراعات الي حصلت في منها انذكرت بالقران
وما ننسى مكتوب السر ومش مكتوب وموضح طريقة وكيفية الاختراع انما السر لكل اختراع والله واسع الحكمة اية المسلسمن
وبرجع اقول الله حكيم وخبير الحمدالله ولا حول ولا قوة الا بالله ولا اله الا الله

Anonymous said...

انا اقول ان القران الكريم فيه الاسرار التي وضعها الله تعالى ويوحي للبشر باختراعاتها ..وسياتي يوما يكشف الله تعالى معظم اسرار خلقه للمخلوق ..والمشكلة فينا انا لا نقرا الا ما نريد ولا نقرا لنفكر في اياته تعالى ..انما نقرا لنضيق على انفسنا ونستنبط منه الحرام والحلال ..والتكفير والتصحيح..اتمنى ان يكون هناك علما نستزيد به ونحن نفرا القران العظيم ..ختاما اعقد ان المقالة رائعة ومشكور

Anonymous said...

بصوا يا جماعه
انا ليا بعض التحفظات على موضوع الاعجاز العلمى فى القران
انا مؤمنه تماما بالقران ومصدقه بيه
يعنى انا مش محتاجه لاى حاجه او اعجاز ملموس عشان اصدق بيه
الظواهر دى ممكن يكون ده تفسيرها الصحيح فى القران
لكن ربط الظواهر العلميه بايات القران موضوع حساس جدا
فلا يصح ربط الثابت بالمتغير
دلوقتى مثلا.. لو شفنا ظاهره علميه وربطناها بايه من القران
طب لو كانت الظاهره دى ناتجه عن حاجه غلط او احنا فسرناها تفسير خاطئ
مع ان ممكن يكون ليها تفسير تانى وصحيح وموجود برضه بس احنا لسه ما توصلنالهوش
ساعتها الملحدين هايقولوا ايه؟؟؟
القران كاتب حاجات غلط؟؟؟
دا غير احساسي الدفين ان فيه مجموعه ما بتحاول تصرف نظرنا بالاعجازات دى عن حاجات تانيه مهمه ولأسباب خاصه جدا
ولو فكرتوا شويه هاتلاقوا بعض الاكتشافات والتفسيرات اللى شغلت العالم جت متزامنه مع بعض الاحداث السياسيه الخطيره وكأنهم قاصدين انهم يداروا على الاحداث دى بأخبار تشغل الرأى العام
أتمنى ان وجهة نظرى تكون وصلت صح
معذره عشان طولت عليكو
كيمو
انا مررتلك تاج من مدونتى
تعالى خده

Anonymous said...

انا مش هافتي بس هاحكي
امام مسجد عبيط قام قال ان الامريكان او الغرب يعني قدروا يفرقوا بين امين لطفلين-بنت و ولد -من خلال هرمون اللبنprolactin
يقولك لانهم قالوا ان للذكر مثل حظ الانثيين فقاسوا الاتنين لقيوا-سبحان الله -هرمونات اللبن عند ام الولد ضعف اللى عند ام البنت!
طبعا اي عيل زيي فى سنة تانية طب و بيدرس الغدد فى الفسيولوجى سهل جدا يقول ان ما فيش كلمة قالها عمو الشيخ صح!و غير كده سالت الدكتور علشان اتاكد ضحك و قاللى لأ طبعا!
المصيبة انى باحكى لواحد زميلى فى الدفعة بيقوللى ان الشيخ الشعراوي قال الكلام ده فقلتله يعني انت مصدق الكلام ده؟ بص ليا بغرابة و اسحقار و قال طبعا مصدقه فسالته تاني يعني تكدّب الدكتور و تصدق الشعراوى؟ شوح بايديه و قال ان الدكاترة مش بيفهموا حاجة!
غير الحكاية الكوميدي دي انا قريت فى اغسطس اللى فات مقالة لخالد منتصر بعنوان بلوتو المكار و دكتور زغلزل النجار كانت جاية فى صوت الامة بيتريق فيها على الدكتور زغلول النجار اللى قال ان العلماء اكتشفوا 11 كوكب زى ما ربنا قال فى قصة يوسف!طبعا بعد كده شالوا بلوتو و بقوا عشر او تمن كواكب مش فاكر بس المهم بقى شكل الدكتور زغلول باااااايخ جدا و لما كتبت الكلام ده فى موقع خليجي لقيت شتايم جميلة من عينة ايها الشيعي الزنديق و يا عدو القرآن و اذهبوا الى الجحيم يا رافضة(شيعة يعني) و بعدها الموضوع بتاعى اتحذف بسبب مبالغة المقالة على حد وصف الموقع!
انا بس باتضايق من الناس اللى بتورط نفسها فى الغلك و مش عايزة تعترف انها غلط،لما بدات اقرا الموضوع على البلوج قلت بيني و بين نفسي كريم اتهبل بس الحمد لله مش هو اللى كتبها
فيه امثلة كتير على المصايب اللى بيعملها بتوع الاعجاز بس لو تحبوا تقروا عنها ممكن تفتحوا اى موقع فيه مقالات للدكتور خالد منتصر و هو مطلع صواريخ نارية مقنعة و لها اسبابها ضد الاعجاز و اساتذته
يعني انا مثلا لو كنت مؤمن بالاعجاز كنت هاطلب من عمو زغلول انه يقول ليا عن سبب تحريم ربنا فى القرآن و التوراة للمثلية الجنسية طبعا هو هيديني كلام من عينه ان الانسان مش ممكن يستمتع بنفس جنسه و شوية كلام عبيط بس مش له اى سند علمى غير بقى ارتباط الايدز بالمثليينو اخر الكلام الهجص
انا مؤمن بربنا و مؤمن بديني و ربنا قال لى يا احمد انك تمارس الجنس بالمثلية غلط و حرام و انا عذبت ناس قبل كده علشان ارتكبوها ، علشان كده انا باحاول امسك نفسي على قد ما اقدر و احاول اغير من نفسي ، عن اقتناع تام بالجنب الديني للموضوع بعد ما غلب دكتور وائل انه يفهمني انه غلط من الناحية العلمية و انا كنت باقدم له الحجج اللى بافكر فيها لان العلم مش ثابت انما الثابت الوحيد و الحقيقي الوحيد فى الكون كله هو ربنا، لما كنت ملحد كنت باقول ان فيه حاجة ناقصة فى تفكيري لازم تكون موجودة علشان تبقى طريقة التفكير صح، انا سميتها الحقيقة المكمّلة، و حطيت احتمال انها ممكن تكون مش اكتشفت قبل كده،انا لقيت ان الحقيقة دى هى ربنا ، و من غيره ما فيش حقيقة و بيه تكون كل الحقايق هو سمّى نفسه فى صورة النور اللى كنت باقراها النهاردة بالصدفة انه الحق المبين،نفس الكلمة تقريبا بس مع تغيير بسيط فى الكلمات،انا بارغي كتير علشان انا بجد مفقوع من موضوع الاعجاز ده جدا
معلهش هاقول حاجةكمان، انا مش مؤمن علشان الحجات اللى كريم كتبها دى ،و مش باصلى لان الصلاة بتمنع تصلب الشرايين لان الرياضة كفيلة بده و بشكل افضل، انا وصلت بعقلي لربنا و امنت ببعض القيم الجميلة زي الحق و العدل و الحرية و الكرامة و التسامح و عزة النفس و سمو العقل و اهمية العلم،كل الكلام ده لقيته فى دين اتولدت عليه اسمه الاسلام،صحيح صدفة انى اكون مولود على نفس الدين و جايز تكون نفس المبادئ موجودة فى كل الاديان التانية، انما الدين الاسلامي اتولدت بيه و حبيته و لو كنت مسيحي كنت هاحب المسيحية لان مبادئها جميلة و راقية،انا مؤمن بمباديء مش بنظريات علمية ، و على فكرة بتوع الاعجاز هما كانوا السبب فى انى طفشت من الدين لفترة مش قصيرة لانى طهقت من الدين العبيط اللى ممكن يستوعب نظريات علمية و بعد كده يثبت خطأها فيستوعب خطأها برضه،انا عملت فى بالى ثورة على ربنا الخالق و مش كان فى بالى وقتها انى لازم اثور فعلا انما مش على ربنا لكن على اللى بيدعوا على ربنا حاجات مش قالها ، انا ثرتو غضبت و قطعت صلاة و صوم و كنت ناوى اعمل حاجات وحشة كتير لانى مش فهمت معنى الدين و هى انى احب الدنيا ، اه و الله معنى الدين انك تحب الدنيا!رغم ان كل المصريين بيكرهوا الحياة و فاكرين انهم بيكسبوا الاخرة، و هما للاسف بيخسروا الاتنين

Anonymous said...

السلام عليكم جميعا
اولا بهنى كريم بالموضوع الجميل ده زى ما عودنا دايما انه يتكلم فى مواضيع حساسه ومهمه
عجبنى جدا الموضوع وكمان عجبنى رد الزملاء عليه وباللأخص أحمد اللى من الزقازيق
كريم انت تساءلت ليه المشايخ اللى تعمقوا فى قراءة القران وتفسيره وفهموا كل معانيه ما كانشى منهم مخترع لاى من الاختراعات اللى ثبت وجودها فى قراننا الكريم
انا عندى الرد
ده شىء من الإعجاز القرانى وهو ان اللى يثبت حقيقه علميه مثبته فى القران ويكتشفها وينشرها للناس يكون مش مسلم بمعنى ان لو كان المخترع او المكتشف لاى من هذه الاختراعات مسلم مثلا كنت هتلاقى كل الغرب يكذبوا اختراعه ويعارضوه خصوصا ان المسلم هيربط دايما بين اختراعه وبين الدين
وده شىء بيضايق غير المسلمين اصحاب الديانات الاخرى او غير المسلمين اصحاب غير الديانات
لكن الاعجاز ان ربنا يثبت كلامه اللى قاله فى القران على يد غير المؤمنين بيه
بمعنى انك لما تكون عاوز تثبت شىء وليك خصم لما الخصم يؤيد كلامك قبل ما انت تحكيه يبقى انت كسبت الجوله
كذلك ربنا من اعجازه انه يثبت كلامه غير المومنين بكلامه وده كان سبب كبير لدخول كتير منهم فى الاسلام وده وارد فى حكايات كتير سمعناها عن المواضيع دى
انا اسف انى طولت عليكم

أ أ ميت غمر

Post a Comment

اشكرك على إهتمامك وتعليقك .. والإختلاف في وجهات النظر شئ مقبولة ما دام بشكل محترم ومتحضر .. واعلم أن تعليقك يعبر عنك وعن شخصيتك .. فكل إناء بما فيه ينضح .